Vu Cirkovljano se je rodil
Dok se spomene ime profesora i doktora Matije Berljaka čoveko prvo padne na pamet Cirkovljan jerbo je profesor Berljak rodom z Cirkovljana kaj znači da je Cirkovljančan, a Cirkovljane so poznate po tomo kaj one jedine imajo Lovrečevo (godovno svetoga Lovrija), a sa druga mesta imajuo proščeje na den da godovno imajo župni patroni Cirkovljane je poznato po tomo kaj je to relativno malo mesto, a ima deset doktori znanosti. I ne sam to, ima nejlepšega trga v Lepoj našoj šteroga so zrihtali Cirkovljančani šteri so se narodili v Cirkovljano, a posle so odišli z Cirkovlana, a neso pozabili svoje rodno mesto. Na trgo morete videti celo prošlost ne sam Cirkovljana nek i Lepe naše i to je prvo mesto v Lepoj našoj de je postavleni spomenik prvomo hrvackomo precedniko doktoro Franji Tuđmano.
Jeden od teh deset doktori z Cirkovljana je i profesor doktor Matija Berljak šteri je študeral teologijo na Katoličkom bogoslovnom fakulteto v Zagrebo, a doktoreral je kanonsko pravo na Pravnom fakulteto Papinskoga sveučilišta Gregorijana v Rimo. Brzčas je bil odličan študent jerbo so ga ovi v Rimo ne sam falili nek so mo dali i sakefele priznanja. Doktoreral je 1977. leta, a posle je bil redoviti sveučilišni profesor u trajnom zvanjo na Katoličkom bogoslovnom fakulteto v Zagrebo de je predaval na dodiplomskomo i postdiplomskom studiju. Dobil je hajdi zahvali, priznanja i nagradi. Predugo bi trajalo da bi nabrajal de je se bil, kaj je delal, kaj je napravil, kuliko je knigi napisal… 2019. leta je kak redovni profesor dobil počasno zvanje profesor emeritus (zaslužni profesor) Sveučilišta v Zagrebo.
Potlačene Čakovčanke i Čakovčanci
Mortik je to malo čudno, ali i toga je bilo i to v devetnajstomo stoletjo. Profesor Berljak je ovo leto donesel i predal gradonačelnici grada Čakovca gospođi Ljerki Cividini orginalnoga dokumenta (Molba) šteroga so napisali sodec Danijel Zozolli, porotniki i si građani povlaštenog grada Čakovca vu šteromo prosijo kralja Franju I kaj jim on vrne stara prava i povlastice štere so meli v prošlosti, a posebno one štere jim je dal, i to z potpisanim Ugovorom, grof Althan pred sto let, očem reči 1722. leta. Izvornik Molbe građana Čakovca kralju Franji I nosi nadnevak 14. majuš 1822. leta, a zaprimljen je v Bečo 16. majuša 1822. leta. Čakovčanke i Čakovčanci so se žalili da so progonjeni i da trpijo teškoga jarma, ugnjetavanje, prijetnje i stalno tlačenje, a glavni v tomo semo je bil prefekt čakoskoga područja Aleksander Matkovič, šteri se je malo preveč zaigral i treneral je strogočo nad građanima Čakovca. Kuliko vidimo Čakovčanci so to več ne mogli trpeti i neso ostali stiha nek so se pobunili jerbo so več ne mogli trpeti. No, sudac Danijel Zozolli i porotniki so napisali Moljbo i se svoje nevole so dali v carske roke i veruvali so v očinsko, carsko kraljevsko pravednost i blagost Franje I. Kralj Franjo je zazvedil istrino kak nadstojnik čakoskoga područja prefekt Aleksandar Matkovič i gospocki fiškal Martin Skodaya nepravedno postupajo prema građanima, poreznim obveznikima, grada Čakovca i presodil je v korist građana i vrnul jim je povlatice štere so meli po Ugovoru z negdašjim velikim županom grofom Michaelom Ivanom Althanom.
Moljba je dragocjeni povjesni izvor za grad Čakovec, građane Čakovca i Međimorja šteri nam sima kaže kak se tre boriti za svoja prava štera so hajdi pot zbog nečije samovolje uskračuju ljudima, očem reči, građanima.
Povelja Jurja IV Zrinskog Čakovco
Grad Čakovec slavi svoj dan, Dan grada, 29. majuša jerbo je na te den 1579. leta Juraj IV Zrinski dal Poveljo grado Čakovco po šteroj je grad Čakovec dobil povlastice i postal je jeden od šesnaest kraljevskih gradova šteri so dobili kraljevska gradska prava. Profesor Berljak je pokonil čakoskoj gradobačelnici originalni uredski primjerak Povelje, šteri je posle restaurerani v Arhivu Međimurja i tam je original na kvarteljo, a grad Čakovec i Muzej Međimorja imajo ovjerene kopije. Profesor Berljak ne sam da je grado Čakovco poklonil originala Povelje Jurja IV Zrinskog nek je o Povelji napisal i knjigo tak da ve Čakovčanci i Međimorci se znajo o Povelji štera je omogučila fletneši razvoj Čakovca. Kak nam je to lepo objasnil prof. Berljak ova povelja dokazuje kak je Čakovec v ono vreme mel veliko značenje i povlašteni ststus med kraljevskim gradima i ta je Povelja omogučila bržeši razvoj kaj so Čakovčanci ne propustili. No, zna se, da so i Zrinski tu hajdi pomogli. Da je Čakovec ne bil kak tre ne bi oni vu jemo stolovali 125 let.
Osim ovoga originala Povelje Jurja IV Zrinskog prof. Berljak je poklonil grado Čakovco i zaramleno presliko originala nejlepšega ljubavnoga pisma Petra Zrinskoga „Moje drago serce“,štero je grof Peter napisal svojoj suprugi Katarini den predi svoje tragične smrti, očem reči, pogubljenja (29. april 1671. leta) u Bečkomo Novigrado. Preslik originala „Moje drago serce“ ulepšavle zide v Čakoskoj grackoj upravi.
Kaj ne bodo Štrigovčanci jalni Čakovčancima
Dok se več spominamo o našemo Cirkovljančano, profeoro Berljako, nesmemo pozabiti i na jegovo knigo štero je napisal o našemo, očem reči, o štrigoskomo svetomo Jeronimo, svetomo Remošo kak ga Štrigovčanci zovejo. Sima nam je poznato kak se nikak nebre zazvediti de je prav zaprav rođeni svetec celoga sveta i cirkveni navučitel šteri je prvi prevel Biblijo z hebrejskog na latinski jezik (Vulgata). Kak je profesor Berljak študeral na Gregorijani v Rimo tak si je tam i našel pajdašijo i kak bi mi to rekli mic po mic dosmickal se je do tajnoga arhiva vu Vatikanu vu šteromo je par pot bil nutri. Zazvedil je kak je vu tomo arhivo pospravljena Bula pape Nikole V kaj je bilo jako važno za nas Međimorce. Zakaj? V Buli pape Nikole V, štero je Papa izdal 1547. leta lepo piše kak je sveti Jeronim rođen vu Stridono, a te Stridon je naša međimorska Štrigova. Sveti Jeronim je rekel i zapisal da je rođeni vu Stridono šteroga so rezrušili Goti, a grad Stridon je bil smešteni na meji Dalmacije i Panonije. Sima nam je poznato da je vu četrtomo stoletjo, dok se je narodil sveti Jeronim, Dalmacija bila do Drave, očem reči, Mure, a ruon tak se zna da je Panonija nigdar ne bila prek Save tak da nam je sam sveti Jeronim lepo rekel de se je narodil, a Papa Nikola V je svojom Bulom to potvrdil. A mi moramo lepo zafaliti našemo profesoro Berljako kaj nam je to se povedal i napisal knigo tak da ve si znajo kak je sveti Jeronim (čitaj: Remoš) naše gore list.
Fala vam profesore, nigdar vam to ne bodemo pozabili kaj ste napravili za Čakovec i Međimorje.
Jožek Radnik