Protiv koga rovarijo antifašisti?
Došlo je pak nekše novo vreme pak so počeli nadirati partizani (čitaj: antifašisti) sa sih stran Lepe naše, a dopelali so se i stranjski kak z Srbije tak i z Bosne, očem reči, Republike Srpske jerbo te naši sosedi so navek barajt ak tre prinas nekšo političko kaso zakuhati i ak treba našim levičarima, našim partizanima, našim antifašistima pomoči kaj se legalno zebranoj i k tomo demokrackoj vlasti počnejo delati problemi. A znuomo što dela probleme? Oni šteri nikak nebrejo precerati Lepo našo, oni šteri još den denes cmizdrijo za nekdašjom Jugom. To so oni naši sosedi, prijateli šteri več tridestipet let živijo z figom v žepo i još so niti jeden den ne preživeli vu Lepoj našoj nek još navek živijo v Jugi. Ne fali jim tuliko Juga kuliko jim fali vlast i se one privilegije štere so meli dok so jivi „antifašisti“ bili na vlasti tak da so to pravzaprav ne antifašisti neg jugonostalgičari.
Kak velijo profesor Pervan i jegovi đaki z Večernje škole čim so se pojavili partizani tre bilo kak najti i ustaše jerbo partizani nebrejo preživeti bez ustašov. Tak je bilo negda, a tak je bormeš i denes makar je partizanov se vejč i vejč, a ustaše ne muoči najti niti za lek. Partizani iščejo i zovejo ustaše na se strane, a ustaša nigdi kak da so v zemlo prepali.
Zbog radi toga so antifašisti vu minulo nedelo organizerali „Marš protiv fašizma“, a to je bilo se samo ne marš protiv fašizma. A zakaj? Zato jerbo prinas v Lepoj našoj ga ne fašizma i fašistov, a to kaj jiv oni zovejo i iščejo to je čistam nekaj drugo. A dok so jiv ne našli unda so skoristili priliko kaj se obrušijo na Lepo našo i kaj očejo njo vruhnuti. Ne znati de so bili 1991. leta dok so došli antifašisti z Istoka, šteri so šteli pohalositi Lepo našo, unda so morali pokazato zobe, a ne kaj ve, 35 let posle, očejo kaj bi Lepa naša zgubila rata šteroga je 1995. leta dobila i pobjedo v Domovinskomo rato ugradila v temelje slobodne, neovisne i demokracke Lepe naše. A ve partizani (čitaj: antifašisti) naši i stranjski očejo zrušiti demokracko državo i vrnuti staro antifašističko (čitaj: komunističko) i totalitarno državo i to z starom jugo zastavom i transparentima na čirilici. Očejo nekšo federacijo na Balkano bez država i nacija kakša je nigdar i nigdi ne postojala. Dovlekli so se: jugo zastavo, petrokrako, srpa i hamra, bilo je kokardi z šterima so četniki 1991. leta napali Lepo našo, a bilo je zastavi z duginim bojama. Čuda sega sam nikaj spametnoga
Našega Ustava ne tre braniti
Sandra Benčič, štera je mahala z jugo zastavom, veli da so oni branili Ustav Lepe naše. Pak je Ustav RH ne bokček kaj ga Sandra, Ivana, Dalija, Ana, Rada i družina morajo braniti i to z starim zastavama, z petokrakama, z srpom i hamrom, z kokardama i z čirilicom. Ne znati je li Ustav Lepe naše zna čitati čirilico?Ne so jim bili dosti domaći antifašisti pak so si morali dopelati stranjske. Pak kaj ovi z Bosne ili pak Srbije imajo z našim Ustavom? Sandra i družina so se borili protiv neovisnosti, državnosti i samostalnosti Lepe naše. To je ono kaj jiv nejbole boli, a nebrejo si pomoči pak zmišluvlejo kaj kaj sega kaj jim se nikak ne šika.
Advent – predbožično vreme
Kak i sako leto zadnjo nedelo v novembro je započel Advent oliti Došašče, vreme iščekivanja i čekanja Božiča, očem reči, rođenja maloga Isuseka. Negda smo hodali vu vekše grade kak prinas tak i prek meje kaj smo si zeli blagdansko duho i kaj smo dale išli bole smo svetešje dočakali Božiča. Denes je to čistam drugač jerbo saka opčina, saki grad, sako mesto ima svojega Adventa, a razlika je v temo kaj negdi počne predi, a drugdi kesneše ili pak po onoj staroj de počne predi kesneše završi, a de pak počne kesneše predi je gotovo. Tak bi trebalo biti, ali se je, z vremenom, i to spremenilo. Najme kaj, kaj se dotikavle cirkve i cirkvenih zakonov več smo rekli da počne Advent, a ruon tak se zna da Advent završavle na Badnjak. Ali mi ljudi nej bili mi da i tu ne bi nekaj zmislili, tak ima Adventov šteri završavlejo za Tri kralje ili pak još i kesneše. Tam de je tak to je več ne pravi Advent to je unda biznis jerbo smo rekli da je Advent vreme čakanja maloga Isuseka i on dohaja na Božič tak da to nikak nebre biti za Tri kralje. Ak pak negdi adventske fešte trajejo i posle Tri kralji to je več želja cukopekarov i krčmarov kaj nam vum z žepa zvlečejo čim vejč penez, a Advent i Božič z tem nemajo nikše veze.
Sveti Remoš v Štrigovi ima novoga župnika
Dofčerašji štrigoski župnik velečasni Kristijan Kuhar premešten je za župnika v grad Prilok na mesto prečasnoga Antuna Hoblaja šteri je odišel vu zasluženu mirovino. Štrigoska župa i štrigoski župljani so tak ovo leto dobili novoga župnika i to velečasnoga Igora Radišiča šteri je došel v Štrigovo z Podravine, očem reči, bil je župnik v Kuzminco i Imbriovco. Kak nam je rekel v ovim podravskim župama se je brigal za župljane, a mel je i svoje gospodarstvo de je mel birke i jelene. Kak bi to, po Evanđeljo, rekli tam je pasel Božekove birkice, a tu v Štrigovi ga čaka čistam drugačeši posel jerbo tu bode delal v Božekovomo vinogrado. Saka župa ima nekaj svojega posebnoga, a po tomo je štrigoska župa drugačeša od sih jerbo se je v župi Štrigova, vu negdašjemo Stridono, narodil jeden od vekših, ak ne i nejvekši svetec naše katoličke cirkve i cirkveni navučitel, sveti Jeronim ili kak ga Štrigovčanci zovejo, sveti Remoš. Velečasni Radišič je došel kaj nastavi tam de je velečasni Kuhar postal jerbo znuomo kak Štrigova jedina na sveto ima dokumenta, a to je bula pape Nikole V, štero je papa izdal 1447. leta vu šteroj piše kak je Stridon vu šteromo je rođen sveti Jeronim ova naša međimorska Štrigova, a original te bule se čuvle vu tajnomo arhivo Vatikana v Rimo. O tomo je vu svojim knjigama pisal profesor i doktor Matija Berljak, kanonik Prvostolnog kaptola zagrebačkog, profesor emeritus rodom z Cirkovljana.
Župnik Radišič ima se papere vu svojim rokama, a pomažejo mo kak Opčina tak i Županija tak kaj bodo zazidali Interpretacijski center svetoga Jeronima, a unda se si skupa moramo pobrigati kaj se hodočasniki svetomo Jeronimo vrnejo nazaj vu Štrigovo kak je to negda bilo. Cirkva je zlišpana, a ve još tra kcoj kupiti i zrihtati i farofa kaj bode to onak kak je to negda bilo i kak je sveti Jeronim navčeni.
Jožek Radnik