Lisinski kajkaj toga mora zdržati
Naši antifašisti nemajo mira, čim dojde mesec maj drug Ljubičica bela i partizani jim se bole falijo. Nikak nečejo priznati kak je v majušo 1945. leta v Zagrebo odišlo po riti k meši od partizanske roke jeno tridesti jezer ljudi, a ne da je te dneve Zagreb oslobođen od okupatora. Ne sam da nečejo priznati nek vužižejo i Trnjanske kresove, a ovo leto so organizerali, i to v Lisinskomo koncertlina partizanski pesmi. Stipe Mesičov, Feri Habulinov, Vili Matula, Možemosi i SDP-ovci nebrejo nikak preživeti leto bez partizanskih pesmi. Popevali so po Šumama i gorama, a ljude so tamanili po gradima i jamama. Se delajo sam kaj bi se skrili grehi partizanov šterih se vejč i vejč dohaja na svetlo dneva.
Ne tak zdavnja zazvedilo se je za dve nove Hude jame, jedna v šumi Biljeg pre Vojničo, a druga tu v Zagrebo malo dale od Dubrave gori prema vrho Medvednice, a bil je i sprevod poginulih od partizanske roke v Novom Marofo pred mesec dni.
O poginulima od partizanske roke pred kraj rata i mam posle rata govoril je slovenski istraživač naših hrvackih korenov Roman Leljak. On je lepo rekel, i to jasno i glasno, kak je sam vu Deželi stradalo od partizanske roke v majušo i junjušo 1945. leta nemeje 300 jezer Hrvatov, a isto tuliko jiv je stradalo i v Lepoj našoj za kaj on ima dokaze jerbo je bil vu skorom sim jamama za štere se do ve zazvedilo. Kak je lepo rekel, zločini Titija i jegovih partizanov so bili prestrašni i ogromni. Odišlo je na drugi svet bez soda i sođenja 6oo jezer Hrvatov, a to je na broj pučanstva 8 – 9 procentov i to so partizani potamanili relativno mlade ljude, od 20 – 35 let, a to so bili nejplodniji ljudi, šteri so još morali deco delati i te gubitki se nebrejo nadoknaditi za 150 let. Da ga ne bilo te katastrofe, kak je rekel gospon Leljak, Lepa naša bi ve mela cirka 4 milijonov ljudi vejč.
Z druge strane nam je lepo pojasnil kak je od atomski bombi v Hirošimi i Nagasakijo 1945. leta nastradalo cirka 250 jezer Japancov, a Japan je unda mel nekaj vejč od 100 milijonov stanovnikov. Još nekaj, Nemačka je v Drugomo rato zgubila negdi izmeđo 2 – 3 procentov svojih ljudi, a Lepe naša sam v poračo 8 – 9 procentov. Ve vidite kakše so to strahote, kuliko je to ljudi, kuliko Hrvatov, a antifašisti (čitaj: komunisti) još navek popevlejo partizanske pesme i mašejo z jugo zastavom. Katastrofa je preslaba reč za to kaj naše antife delajo. I Bugari so snimili filma: Tito: Koljač 20. stolječa! A naše antife nebrejo bez jega i jegovi pesmi.
Nikomo nikaj i nišči nikaj nesme reči za te se fešte i veličanje partizanov, ne partizana nek komunista, a mam so si v zrak skočili kak da jiv je što v rit fpičil dok je naša hrvacka televizija emitirala lanjskoga Thompsonovoga kocertlina z Hipodroma. A nejbole v zrak je skočila Dalija Oreškovič!
Lepo velijo dečki i puce z Hrvackoga tjednika: Tri kite istoga dreva: komunizam, fašizam i nacizam! Komunisti so po brojo zločina prema vlastitomo narodo daleko nadmašili fašiste i naciste.
Pijača med srednjoškoljkama i srednjoškolcima
Vu vreme Norijade – dnevov naših maturantov pak se je otprlo pitanje kuliko, kak i de naša deca pijejo? Još sam jiv pofalil kak več par let maturanti ne pijejo preveč, nejhuje je bilo pred nekaj vejč od deset let dok so jiv krčmari vozili od diskača do diskača de se je čuda vejč pilo, a čuda meje plesalo. Još dendenes se zmislim kak so unda krčmari, gazdi diskačov, kupuvali nejfineše črno vino za bambuse z Hungarije i to po tri kune liter. Ne moram vam pripovedati kakše je to bilo vino, počim so bili bambusi i kuliko so krčmari služili. Neso nam tak veliki problem maturanti jerbo Norijada traje tjeden dni nek đaki sredje škole šteri se shajajo saki tjeden po parkima, vikendicama i privatnim diskačima de se pije vino i druga pijača z štacunov. Denes je ne teško nabaviti pijačo vu vekšim štacunima jerbo te več nišči ne pita kuliko si star i ne moraš kazati legitimacijo (čitaj: osobno karto). Znate kak je po velikim štacunima tam morete prejte na „zeleno kaso“ de te nišči nikaj ne pita sam platiš kaj si v korpico nametal tak da se zgubilo i ono malo kontrole štera je bila na grbači štacunarima. Teško je tu med decom reda naprajti ak deca ne dojdejo vu sredje škole z kučnim odgojom i kaj si morejo sami reda dati.
Za štimung si tre nekaj spiti
Kak smo rekli počelo je Svecko labodoritaško prvenstvo i kak čovek ne bode pil i peneze trošil da se sam pijača (čitaj: pive) i kladionice reklamerajo. No, dobro i čips, skorom sam ga pozabil. Ovo svojo kolumno pišem predi naše tekme protiv Englezov pak nebrem reči kak smo štartali i kak mi ( Dalič i Vatreni) stojimo na kladionicama, ali mi je zato došla pod roko jena fajna, bar tak meni zgledi, navijačka pesma pak jo bodem podelil z vami:
Zišel sam prijatela svog, tožnog, ma koji mo je bog,
nikoga ne zna ško če mu priuštiti na prvenstvo malo otiči:
- Dao bi sto Amerika, sve na svijetu ja bih dao,
da mi se popravi balans pa da odletim u Dalas vikat Hrvatskaaaa
- Dao bi sto Amerika, sve na svijetu ja bih dao,
da mi se podeblja konto, pa da skoknem u Toronto vikat Hrvatskaaa
- Dao bi sto Amerika, sve na svijetu ja bih dao,
Da se neke pare sliju, pa da odem u Philadelphiju vikat Hrvatskaa…
A dok ga toga sega ne, dok se nekše čudo ne pripeti ne preostaja nam drugo, kak meni tak i mojemo pajdašo, kaj se sednemo na kauč pred televizore, donesemo si čipsa i žuje i kaj otod zdoma bodemo navijali za naše kaj ne bodo huje prešli kak je to bilo na zadja dva Svecka prvenstva, ono prvo v Rusiji da smo osvojili srebro zlatnoga sjaja tak i ovo drugo v Kataro da smo osvojili bronco, ruon tak, zlatnoga sjaja. Dal bode to išlo nam od roke, a našim labodoritašima od noge to bodemo vidli več v sredo navečer da nam bodo protivniki Englezi. Znate kakši smo mi Međimorci, a ruon takši so i naši prvi sosedi Hrvati, mi navek očemo za sebe se nejbolše, a drugima kaj ostane. Kaj moremo ak smo dobri, ak ne i nejbolši labodoritaši na ovomo sveto. Ne računam na one naše kibice šteri več deset let, od da je Zlatko Daličov došel za izbornika, čakajo kaj čim predi zgubimo i kaj se osramotimo. Ne drukajo za naše labodoritaše, nemajo radi Lepo našo i nišči ne zna kaj bi šteli, a ja jiv pitam kaj se ne odselijo z države štero nebrejo videti?
Jožek Radnik