Još navek smo se ne genoli od antifašizma!
Sako leto v junjušo na dnevni red dojde Den antifašizma šteri se obiležavle 22. junjuša. Pripoveda se kak so fondoši antifašizmo skopani ili pak vudreni 22.junjuša 1941. leta, a den antifašizma se je počel obslužavati pedeset let posle i to 1991. leta. Pripoveda se ka je 22. junjuša 1941. leta zafremani prvi partizanski odred i to v šumi Brezovica polek Siska, a na Interneto piše kak je sisački partizanski odred zafremani pod kraj septembra. Sima nam je poznato kak je na te den Hitler (čitaj: Nemačka) napala Staljina (čitaj: Rusijo), a ruon tak znuomo da so Hitler i Staljin, očem reči, Nemci i Rusi potpisali pakta 1939. leta i da so skupa napali, i ne sam napali nek i podelili Poljsko i tak je stiha počel Drugi svecki rat. Ne znati kaj si je Hitler pregruntal vu svoji nacistički glavi, pak je napal svojega „pajdaša“ Staljina i tak prekršil potpisano „pajdašijo“ kaj ga je na se zadje koštalo pak je odišel po riti k meši i zgubil rata. Več sam tu na ovomo mesto pisal o tomo da mi je nikak ne jasno kak bi se bil zafremal partizanski odred v Brezovici i to par vur posle Hitlerovoga napada na Rusijo jerbo je unda ne bilo Interneta, nega bilo televizije, a niti pak radija kaj bi sisački komunisti mogli znati o čemo se tu pravzaprav dela? I ne sam to, kak se to pedeset let ne obslužavalo, a unda se je nešči zmislil kak je to tak važno, ak ne nejvažneše.par ljudi se je zišlo v šumi i to je mama bil odred?
Još nekaj sam štel reči, ruon tak nam je sima poznato kak so jugokomunisti bili ruon tak, prek Kominterne, v pakto z Hitlerom i neso niti z okom trepnuli dok je Hitler, v aprilo, napal Jugoslavijo, a mam so v zrak skočili i počeli so borbo protiv fašizma čim je Hitler pehnul v Staljina i Rusijo. A denes pripovedamo kak so se antifašisti borili za Hrvacko, a znuamo da je Hrvacka nastal posle Domovinskoga rata i to pedeset let posle.
Ruon tak nebrem razmeti kak se si zmislijo i furt pripovedajo kak so nam se kaj imamo donesli antifašisti i jiv šef drug Ljubičica bela. Se se zna kaj je bilo 1941. leta, a nišči nikaj ne zna kaj se je pripetilo mam posle Drugoga rata v majušo i junjušo 1945. leta. Nišči se ne spomina o žrtvama porača, o pol milijonov potučenih Hrvatov kaj vu Deželi, kaj prinas vu Lepoj našoj, o čemo sam pisal v prošlomo brojo. Nišči se ne spomina o Bleiburgo, križnomo poto, Hudi jami, Tezno, Kočevskomo rogo, Jazovki, Maceljo, Gračanima… Ako očemo pripovedati istino, ako se očemo spominati o onomo kaj je bilo, ali po istini unda moramo na dnevni red deti te stotine i stotine sakefele grabi štere so partizani punili z Hrvatima i to bez sođenja i sodov. I ne sam to, pedeset let posle Drugoga rata se o tomo ne smelo nikaj pitati, a niti pak spominati tak da ve zato par let nazaj dohaja na svetlo dneva istina, kak sam i v prošlom brojo napisal, kak je v Deželi svoje živleje završilo cirka 3oo jezer Hrvatov, a otprilike isto tuliko i po jamama v Lepoj našoj.
Si morajo znati vrednote Domovinskoga rata
I još nekaj mi nejde v glavo, zakaj se mi v Lepoj našoj, a ruon tak i mi Međimorci, nejvečpot spominamo o antifašistima i antifašizmo, o 1941. leti, a to so cajti, to so leta o šterima se sam moremo spominati jerbo je jako malo ljudi šteri so unda hodali po ovomo sveto, a još denes su tu med nami mesto kaj bi se spominali o 1991. leti, o Domovinskomo rato šteroga se, bar jo denes, skorom si zmislimo. Ako nekaj moramo prenesti našoj deci, našim vnukima unda so to vrednote Domovinskoga rata vu šteromo je stvorena Lepa naša, a ne kaj se furt borimo kaj bi vu fondoše Lepe naše zrivali antifašizma šteroga ga tam ne. Sima nam je poznato da so antifašisti z istoka (čitaj: četniki i jugosoldateska) bili protiv stvaranja Lepe naše kak samostalne, slobodne i neovisne države pak smo mi Hrvati (čitaj: naši braniteli) morali to našo državo, to našo slobodo, to našo samostalnost izboriti vu štiriletnomo Domovinskomo rato vu šteromo je cirka šesnaest jezer naši branitelov ostajlo svoje živote. Si znomo da je tak bilo, si znuomo kakšo ceno je Lepa naša platila za svojo slobodo i samostalnost, a mi se furt spominamo o antifašizmo i 1941. leti.
Dok govorimo o totalitarnim režimima nejvečpot se spominamo o fašizmo i nacizmo, a jako retko i nekak srmežlivo spomenemo komunizma. Ne znati zakaj je to tak, a vu prošlomo brojo sam napisal kak je komunizam bil nejvekša nevola ovoga sveta šteri je potukel čuda vejč ljudi nek španjolska gripa, fašizam i nacizam skupa. Verjem da vas ne moram zmisliti kuliko so ljudi poslali na drugi svet Mao Ce Tung, Lenjin, Staljin…,Tito i jegovi sledbeniki kaj ne bodem dale spominjal. Povjesničari šteri se z tem bavijo i brojijo nabrojili so prek sto milijonov onih šteri ga nega na ovomo sveto, a nišči jim niti za grobe ne zna. A verjem da si znuomo kak so denešji antifašisti pravzaprav komunisti.
Pak se seposot ratuvle!
Obrnite se okoli sebe i kaj bodete vidli? Seposot se ratuvle. Teško je najti kontinenta na šteromo se ne ratuje. I to ne kratko. Saki rat šteri se hapi ne vidimo mo kraja, a v pitanjo je nezadovoljstvo onih šteri se imajo jerbo jim je i to ne dosti. Pak de bi služili oni šteri delajo oružje i municijo, tenke, tope, reoplane, brode da bi na sveto bil mir? A to kaj oni več ve prekpreveč toga imajo to je čistam drugi par rukavov. To je još ne se: znate kuliko ga onih šteri so goli, bosi i lačni na jenoj strani sveta, a na drugoj strani toga istoga sveta se reshitavlemo z hranom i hičemo fkrej več nek pojemo, očem reči, potrošimo. Znuomo kak je denes, ali ne znamo kak bode dugo to trajalo, a tak bi nam moglo biti lepo na ovoj našoj kugli zemaljskoj. Ve vidimo da je negda bilo lepo dok je dragi Božek gospodaril z svetom, ali čim so ljudi zeli vu svoje roke cugle vlasti, čim so počeli gospodariti z sem do čega so mogli dojti se se je obrnulo i nigdi pravice. Oni šteri nejveč imajo bi šteli meti još čuda vejč nek imajo i ne brigajo se za one šteri nikaj nemajo. Kaj vam ne bodem povedal kak je to bilo dok je korona došla na svetlo dneva i kak so oni šteri gospodarijo z svetom zastajli sveta na jeden kratek čas. Ve so vidli da morejo se kaj očejo i jako sam najgerek kaj se bode itak pripetilo dok jim nekaj drugo padne na pamet, nekaj kaj bode sfondalo još vejč ljudi jerbo ve več se kaj treba delajo roboti pak so jim ljudi postali sam strošek šteroga se tre čim predi rešiti kak bi jim čim vejč penez ostalo.
A mi se tu borimo i svadimo okoli 1941. i antifašizma????
Jožek Radnik
