Kolone sječanja u Vukovaru gradu heroju
Več 34 leti november mesec ima posebno mesto u našim srcima u našim sječanjim. Pred 34 leti je vu Lepoj našoj, štera je unda stopram bila zafremana, počel rat jerbo so se naši soseda za istoka, ne tuliko Srbi kuliko četniki, ne slagali z tem kaj bi Lepa naša mela svojo državo, očem reči, kaj bi bila samostalna i neovisna i kaj bi odišla vum z Juge vu šteroj so oni hercuvali. Ne so to oni ruon tak rekli nek so se skrivečki dogovarjali z jugosoldateskom kak bi državne meje Lepe naše preselili onak kak jim paše, očem reči, na linijo Virovitiva, Karlovac, Ogulin, Karlobag. Navelikom so prepovedali kak je tam de je jeden Srbin tam je i Srbija. Sima nam je poznato kak so predi nek so z vojskom napali Lepo našo se oružje naše Teritorijalne obrane pobrali i posprajli vu svoje kasarne. Ruon tak nam je poznato kak mo se mi v Lepoj našoj ne z tem složili i rat je počel, oni naoružani do zobov, a mi z lovačkaj puškaj. Znova je dokazano kak boj ne bije svetlo oružje nek boj bije srce u junaka. Tak je to bilo i vu našemo Domovinskomo rato jerbo so naši braniteli pokazali kak se tre boriti za svojo zemljo, svoj dom, svojo domovino i posle štiri leti na Kninskoj tvrđavi je znova hercuvala t robojnica Lepe naše.
Od sih gradov nejbole je nastradal Vukovar jerbo so Srbi, Četniki i jugosoldateska jega zeli na pik i prvoga so ga napali. Na Vukovaro so šteli celoj Lepoj našoj, celoj Evropi, celomo sveto pokazati kak so oni jaki i kaj bo se pripetilo sakomo što jim bode stal na pot. No znuomo kak je Domovinski rat završil i kak so četniki skupa z jugosoldateskom odišli po riti k meši i kak so se, posle štiri leti, morali vrnuti dimo na traktoraj i to pognute glave.
Kak sako leto tak se je i ovo leto obiležaval Dan žrtve i ponosa kak Vukovara tak i Škabrnje. Vu Škabrnji se je zišlo prek dvajsti jezer ljudi šteri so v koloni sječanja pokazali sima da smo ne pozabili na one šteri so za Lepo našo dali živote kak i na one šteri so svojom borbom, svojim herojstvom pobedili štiri pot jakšega naprijatela. Vu Vukovar je ovo leto došlo nejveč ljudi do ve. Zišlo nas se je cirka 150 jezer. Došli so si šteri so mogli i hodanjem v koloni sječanja, v miro, tišini i molitvi išli so od bolnice do grobja de so položeni venci, vužgane sveče, a šibenski biškup mons. Tomislav Roglič je služil mešo za se one šteri so dali živote za Lepo našo.
Prinas v Čakovco je ne ruon tak bilo
Prinas v Čakovco se sako leto služi meša za poginule u Domovinskomo rato, a posle meše je kolona sječanja od cirkve na čakoskomo Jugo do Vukovrkse vulice i to z vužgatim svečama štere se unda postavljajo i ostavljajo vu Vukovarskoj vulici, sječanje na Vukovar pod nazivom „I u momo gradu Vukovar svijetli“. Neje mi lefko, ali moram vam reči da prinas Vukovar sveti sako leto se slabeše i slabeše. Nebrem veruvati da si mi Čakovčanci i Međimorci nebremo zeti malo časa kaj bi došli na mešo ili pak v kolono sječanja kaj bi se zahvalili sima šteri so črez štiri leti ratuvali i pomogli kaj mi denes živimo v slobodnoj i neovisnoj Lepoj našoj. Morali bi si tuliko časa zeti jerbo so te naši braniteli, te naši heroji to zaslužili. Ak imamo za se časa unda moramo meti i za to. Ve zgledi kaj je Domovinski rat dale odzaj za nami kak da nemamo niti časa niti volje kaj bi se poklonili žrtvama i zafalili branitelima. Pripovedamo kak nigdar ne bodemo zabili branitele, a posebno one šteri so dali svoje živote, a dok to tre pokazati unda nas ga ne nigdi.
Čakoska kolona sječanja je završila pre spomeniko poginulim i nestalim branitelima v čakoskomo parko de so poležni venci i vužgane sveče našim poginulim herojima. Kak je to bilo pred 34 let vu Vukovaro, kak so se borili, kak so zarobleni i kak je bilo v logorima govoril je naš vukovarski branitel Zvonko Horvatič. Rekel nam je kak so se herojski držali dok so meli municijo i kak je ipak brojniji i bole naoružani agresor pobedil. Zvonko nam je pripovedal kak je bilo v logorima, kak so slabo jeli, kak so na slami ili pak na podo spali, kak so jiv saki den bili i maltretirali… Sima nam je poznato ono z logora: roke na hrbet glavo doli i magadi dok te bijejo. Zazvedili smo kak so to se zdržali jerbo so, kak na fronto tak i v logoro, meli krunice okoli šijaka i dok jim je bilo nejteži so se molili Božeko. Zvonko je bil v logoro 185 dni kaj bi rekli cirka šest meseci. Neje lefko zdržati ak te nešči bije jeden den, a ne šest meseci.
Rekel je Zvonko kak so meli krunice okoli šijaka, kak so molili i to ne sam on nek i si drugi pak tak i ovi naši junaki šteri so deli svoje živote na oltar domovine za slobodo i neovisnost Lepe naše, a mi se okrajamo i nečemo kaj bi na spomenik v čakoskomo parko polek jivi sliki deli i križa. Nebrem razmeti kaj mi imamo protiv križa ak znuomo da so si poginuli u Domovinskomo rato meli krunice okoli šijaka i meli so katoličkoga sprevoda. A ve mi odlučivlemo mesto jiv i tiramo jiv fkrej od Božeka.
Dalič otpelal Vatrene znova na Svecko prvenstvo
Kak so Vatreni hapili ove kvalifikacije za Svecko prvenstvo 2026. leta v Kanadi, Meksiko i v Ameriki tak so jiv i završili. Neso zgubili niti jeno utakmico, sedem pot so pobedili, a sam so z Češkom v Prago zigrali nerešeno. Kak god nešterni naši pajdaši nemajo radi izbornika Zlatkija Daliča ve bodo najbrž priznali kak je on nejbolši trener, očem reči, trener sih trenerov v Lepoj našoj jerbo več osem let vodi naše labodoritaše, naše Vatrene, i nigdar do ve, dok je ne Dalič došel, smo ne bili drugi na sveto, pak drugi v Evropi, a ve smo zbavili kvalifikacije za Svecko prvenstvo bez zgublene utakmice. Ak je to se ne dosti kaj bi nejvekši Daličevi protivniki hitili puške v kuruto i priznali čoveko kak je on nejbolši izbornik šteroga smo meli do ve i da smo bolšega ne mogli najti unda ne znam kaj bi rekel. Moremo mi Daličo zameriri kaj hoda v cirkvo, kaj verje da Božek postoji, kaj hoda v Međugorje ili pak na Bistrico, ali kaj je se osvojil z našimi Vatreni to je nišči drugi do ve ne napravil i trebamo mo zdiči spomenika, a ne kaj mi kajkaj toga, i to ne preveč lepoga, namečemo po Fejsbuko i drugim društvenim mrežama. Čovek, pak tak i Dalič, vredi tuliko kuliko zna i kuliko je čega napravil. A tu je Zlatko iznad svih i zato mo skidam kapo do poda.
Jožek Radnik