Rajši neg zgine selo neg običaji
Dva – tri mesece smo čakali kaj dojde godovno svetoga Martina i to ne zbog radi toga kaj je sveti Martin nejvekši svetec neg zato kaj se unda krsti mošt i otpira se uživanje v plodovima trsja, očem rečim sokovima grozdja. Verjem da je sima poznato da žene od godovna svetoga Martina pak do godovna svetoga Vincija ne hodajo v gorice. A zakaj ne hodajo to vam je nigdar ne palo na pamet? Pak zato kaj ga v goricaj vu to vreme ne nikšega posla. Žene hodajo sam v gorice dok ga je posla, a hodanje v pelnice to je najbrž moški posel.
Verjem da je i vam to poznato kak žene navek gombajo i pregovarjajo dok se mi moški držimo kupice i nedamo se fkrej od lagva. I zbog radi toga je zmišlena ova poslovica:
Saki pot dok žena brunda mam se toči nova runda!
Kumek moj dragi, dej se napij!
Rečite mi, prosim vas lepo kuliko pot ste vu ove dneve Martinja čuli pesmo: Došel je došel sveti Martin, on ga bu krstil, ja ga bum pil. Kumek moj dragi, dej se napij, dugo nas ne bo, dej se ga vžij! Morem vam reči da so te gorične i martinske pesme ovo leto znova došle v gorice i znova se čujejo i to se glasneše i glasneše i več je nišči ne spominjal korono, štera nas je natirala z goric ili je se več nišči niti ne zmislil posle tretje runde. Najbrž se je z veseljem išlo v gorice kak god so nas policaji plašili i kak god se je megla dorivala kak v gorice tak i po cestama, ali kak smo več rekli bole da zgine selo, bole da zginejo policaji i megla neg običaji. Morem vam reči da sam niti ja, z mojom pajdašijom, ne zdržal doma neg sam se otpelal v gorice i sprobal nejpredi mošteka šteri je več prestal brundati, a posle krstiki smo lonceke ftrgli i hajdi toga smo vlijali vu naše navek žene požerake. Več hajdi dugo nam je poznato da je ljucko znanje krhko, a žeja je vječna. Nesam vam rekel da smo zvlačili šibice i što je najkrajšo zvlekel te je pelal dimo (pajdaš Tonča je ne mel srečo) jerbo nigdar se ne zna za šterim grmom „vrag“ (čitaj: policaji) čakajo. Ili kak je rekla teca Franca: bole sprečiti nego lečiti! Jerbo ak te policija zastavi i ak ti policiska frulica preveč glasno fučka unda se moreš slikati. Ne sam kaj ti pušlek ojerov zvlečejo z žepa neka ti zemejo i vozačko dozvolo, a dok ostanete bez vozačke unda znate da vam pajdašija i društveno živleje okoli goric i krčmi padnejo na nulo jerbo dok vas žena vozi unda morete dojti sam do cirkve, pekare i štacuna. No, skorom kaj bi vam zabil povedati kak bodo vina, štera so ove dneve krščena, govorila tri jezike (nejmeje), ali bo jiv tre trošiti spametno i umjereno jerbo ak to delamo bez reda unda nas morejo sam nevole dočakati.
Zazvedili smo….
- Zakaj se krsti mošt? Kaj bodo i pijanci mogli reči da so v blagoslovljenomo stanjo!
- Žene so raj za oči, pekel za dušo i čistilište za bukso!
- V klet ido spametni i bedaki, a vum si jednaki!
- Dok je Božeka i pravice išel bodem vu gorice!
- I nejbolše vino je čuda bolše od vode!
- Žene ud mejajo, ali čud nigdar!
- Osim sebe ja drugih problema nemam!
- Dok hrvacko srce bije nek se međimorsko vince pije!
Umjetna inteligencija nam je davala navuke za dneve Martinja::
– Vinoljupci i vinovjerniki pazite jerbo štovatelji svetoga Mihaela ozaj za grmima čakajo štovatelje svetoga Martina.
– Pazite se na cestama, ve hajdi ljudi pije pak dajo ženama kaj vozijo!
Nega takše dekle kak je naša Tončika
Odnegda, več duže od osemsto let je Varaždin poznati po tomo kaj se črez jega putuje za Međimorje, za Čakovec. Morem vam reči da to si v celomo sveto znajo, a malo je oni šteri so zapamtili da je Varaždin v18. stoletjo bil glavni grad Lepe naše. Kak god se mi Međimorci svadimo s Zagorcima, ali mi smo si z Hrvatima bili navek zdobra pak tak i z Varaždincima šteri so ne niti Zagorci (kaj razmem), a niti pak Podravci, kaj ne razmem jerbo jim pod oblokima teče Drava, a oni so ne Podravci. Ali čim bodo Varaždinci zazvedili kaj so oni bodem vam mam javil jerbo mi prvi sosedi moramo znati kog pravzaprav imamo za sosede. Ipak je Varaždin srečen grad, ne sam da je odnavek bil vu nečemo glavni ove dneve je postal i centar sveta. I to ne kakšega god sveta neg teniskoga sveta. Zakaj? Jerbo se vu Varaždino ovoga vikenda igra kvalifikaciski turnir vu ženskomo teniso izmeđo Češke, Kolumbije i Lepe naše. Varaždinci imajo se, imajo Dravo na šteroj se zazidana šporcka dvorana i to ne bilo kakša nek arena tak da Varaždinci imajo svojo Areno na Dravi, a Zagorci hodajo glet tenisa vu varaždinsko Arena, a tua hodamo i mi Međimorci. Kak sam rekel, Zagorci (čitaj:Varaždinci) imajo Areno, a mi Međimorci imamo nejbolšo tenisačico Lepe naše. To je naša Rehovčanka Tončika Ružičova. Zdavnja je ona počela tuči tenisko loptico, skorom pred dvajsti let, kak velijo Rehovčani, mam čim se prestala v pesko igrati. I tak mic po mic, korak po korak i naša Tončika se dosmickala do nejbolše naše tenisačice i ve je 75. igračica na sveto I rečite mi, kak moremo ve mi Međimorci kaj nejdemo vu varaždinsko Areno od denes (petek) do nedele kaj bodemo drukali i za Tončiko i za jene pajdašice Petro, Leu, Jano i Taro kaj pobedimo Čehinje i Kolumbijke i kaj se plaseramo vu nejbolšo svecko skupino de nam je i mesto. Još pred tri leti mi je teca Franca rekla da čim bode Tončika zaigrala vu reprezentaciji Lepe naše mam bode naša reprezentacija med nejbolšima na sveto. Kaj ne bodete mislili da se teca Franca razmi kaj vu tenis, ne, ali ona si je bila zdobra z Tončikinom mamicom i japicom i pozna jeno mamo i jenoga japo. A to je več dosti kaj more znati kak so naše tenisačice dobre ili kak so slabe. Kak bilo da bilo očem vas videti vu Varaždino na tribinaj vu Areni v kockastomo dreso kak navijate za naše tenicačice, očem reči, za našo Tončiko. Ak Tončika pobedi se štere joj bodo onkraj mreže unda bode i Lepa naša završila med nejbolšima na sveto. Ve se nebrete zgovarjati kak vam je svecki tenis dauko, ve nam je tu pod nosom sam se prepelajte prek mosta i v dvorani ste. A v dvorani, kak sam več rekel, nas čaka Tončika i jene pajdašice i predi nejdemo dimo dok ne dojdemo med nejbolše svecke tenisačice. Najdjam se, toplo se nadjam, da smo se dospomenuli, očem reči, vidimo se!
Jožek Radnik