Nesmo si pobedili 1995.?
Mi Hrvati sako leto 5. augustoša obilježavlemo i slavimo nejvekšega svetka v Lepoj našoj, a to je Den pobjede i domovinske zahvalnosti i Den hrvackih branitelov. Si znomo da je toga dneva 1995. leta oslobođen Knin i da se je na Kninskoj tvrđavi, posle štiri leti Domovinskoga rata, pak zavijorila hrvacka trobojnica, hrvaki barjak, a to je bil kraj Domovinskoga rata šteri je počel 1991. napadom srpskih četnika i jugosoldateske, štera je stala na strano četnikov, očem reči, Velike Srbije, na Lepo našo. Rat je 5. augustuša završil, a predi nek je hrvacka vojska ušla v Knin Srbi i četniki so na traktorima napustili Knin, napustili so Lepo našo i genuli so prema Srbiji de so ne ruon bili dočakani kak so se nadjali jerbo so jiv meli za izdajice i kukavice šteri so pobegli pred hrvackom vojskom. Precednik Tuđman jiv je nagovarjal nek ostanejo i nek se vrnejo, a malo je onih šteri so ostali jerbo so bili pozvani kak bi si Srbi živeli vu jenoj državi. Odnavek se je pripovedalo kak Srbi onkraj Drine ne držijo sebi ravne ove prečanske Srbe i to so pokazali dok so ovi došli na traktorima i dočakali so jiv tak kaj so si morali sami kupuvati ne sam jesti nego i vodo i spati pod šatoraj ili pak vedrim nebom. Nešterni so se ipak vrnuli nazaj v Lepo našo, a kak so prešli oni drugi to vam ne bi znal reči.
To je tua razlika izmeđo 1945. i 1995. partizani i preoblečeni četniki so 1945. svoje protivnike likviderali i zakopali v kajkakše jame, znane i neznane (Huda Jama, Tezno, Jazovka, Gračani, Macelj, Križni pot…), a naši branitelji so 1995. leta Srbe i četnike pustili kaj odidejo kam jim paše.
Nekaj drugo me muoči i furt spituvlem sebe i druge kak bode to dugo trajalo? Predi našega slavlja Dneva pobjede navek nam Milči Pupavac, Srbi pokvarijo toga dneva jerbo oni još navek slavijo den ustanka v ličkomo mesto Srb 1941. leta. Toga dneva so zmislili vu onoj staroj državi vu šteroj smo živeli predi Lepe naše da so Hrvati zdigli ustanka protiv okupatorov v Drugomo rato skupa z narodima i narodnostima v Bosni i Hercegovini i to ruon v Srbo. Najte me krivo razmeti, ali ne verjem da bi Hrvati išli zdiguvat bilo kakšega ustanka ruon v Srb. Kak je vreme išlo, kak je Juga odišla v ropotarnico povjesti tak smo zazvedili da ga toga dneva (27.07.1941.) ne bilo nikšega ustanka nek so četniki poklali Hrvate v Boričevco, famolijo Ivezič iz sela Brontja (37 članova nejveč žena, dece i starcov), a velečasnoga Gospodnetiča so živoga spekli na ražnjo. Srpsko obilježavanje toga „ustanka“ je bilo i ovo leto, a Pupovca so podržali naši antifašisti i negdašji precednik Mesič.
Lepo je to rekel naš karikaturist Joško Marušič: 5. augustuša mi slavimo Den pobjede nad dnevom ustanka.
Den hrvackih branitelov
I mi prinas v Međimorjo sako leto obiležavlemo Den pobjede, den domovinske zahvalnosti i Den hrvackih branitelov, ali vam morem reči da na obiležavanje dojde malo ljudi, očem reči, premalo ak se zna kuliko so naši braniteli napravili za nas. Si znuomo da moramo zafaliti našim branitelima za slobodno i neovisno Lepo našo i unda bi bil red da na te dneve dok se obilježavaju sječanja na žrtve Domovinskoga rata, a z Međimorja jiv je bilo 78 šteri so dali svoje živote za neovisno i slobodno Lepo našo vu šteroj denes živimo unda bi bil red kaj se dojde k meši, kaj se pomolimo za jiv, kaj jim zafalimo, kaj položimo vence i kaj vužgemo sveče… To je nejmeje kaj moremo naprajti za jivo žrtvo. Oni so se odazvali dok jiv je domovina zvala, dok je našoj Domovini bilo nejteži i bil bi red da mi najdemo cajta kaj jim se zafalimo.Mi se falimo kak smo ne pozabili jivo žrtvo, kak nam čuda značijo, kak jiv nigdar ne bodemo pozabili, a teško nam je dojti kaj jim se zafalimo.
Den domovinske zahvalnosti
Još nekaj, preveč se dugo nanujamo kaj pre spomeniko poginulim našim branitelima postavima križa makar znuomo kak so se naši braniteli borili v Domovinskomo rato z krunicom okoli šijaka i z Božekovim imenom na vusnicama, a ruon tak znuomo da je saki naš poginuli branitelj mel sprevoda z križom i velečasnim, a mi jim ve nečmo postajti križa na jiv spomenik. Poštuvlemo jiv, a nečemo jim postajti znameje kaj se bode znalo kak so oni veruvali v Božeka, veruvali so da bodemo z Božekovom pomoči pobedili v nametnutom ratu i veruvali so da bodemo, na se zadje meli neovisno i slobodno Lepo našo ksk jo i imsmo!
Prosim vas lepo, rečite mi, ali po istini, kakši je to Den domovinske zahvalnosti našim branitelima za Lepo našo ak sam po celomo Čakovco nabrojil meje od tridesti zastavi štere so bile postavleni za te veliki svetek?
Hmrla je tecina pajdašica
Hmrla je tecina pajdašica Vikica. Skupa so delale pre Granaro, a ve so več i hajdi let bile v penziji. Dosti let so pajdašile, ali kak so leta išla, kak jiv je se vejč bilo na hrpto tak so se one se meje i meje viđuvale jerbo saka je mela svoje, kak se to veli, zdrastvene tegobe i se so meje hodale vum z hiže tak da so se retko i zišle kaj bi se zmišluvale kak je to bilo negda dok so bile mlajše, dok so se peciklinima vozile na posel, dok so se brigale za može, šteri so več zdavnja odišli k Božeko na račun, dok so se brigale za deco, vnuke, prevnuke… Bilo je i lepih cajtov v jivim živlejima, ali kak sam več rekel jako so se retko zišle kaj bi se znova zmislile kak je to bilo na proščejima ili pak selskim vatrogasnim zabavamadok do škicale dečke. No, malo sam odišel fkrej od onoga kaj sam vam pravzaprav štel reči. Štel sam vam reči kak je, na se zadje teca ne išla na sprevod svoji pajdašici jerbo je sprevod bil v dve vure odvečer po nejvekšoj vručini, a doktor je teci zabranil kaj bi hodala po vuni po toj vručini. A teca, a kak i si stareši ljudi se drži onoga kaj joj doktor veli jerbo da je ne tak najbrž bi več bila pre Božeko.
Ve dok se to teci pripetilo moram znova pitati zakaj naši komunalci imajo sprevode od polneva do dve vure odvečer dok je nejbole vroče. Neje sam velika vručina na sprevodo nek i hajdi ljudi mora oditi z posla ak oče biti na sprevodo svojoj rodbini, sosedima, pajdašima… Najbrž bi bilo čuda bole da so te sprevodi bole pod večer pak bi sima bilo leži dojti, a i komunalci ne bi morali delati po nejvekšoj vručini. Več smo se lani o tomo spominali, ali smo ne odišli dale od spominka? Naši ljudi, naši Međimorci pak i Čakovčanci so bogoboječi ljudi i čuda je onih šteri sikak očejo iti na sprevod svojoj rodbini, pajdašima i brzčas bi bilo jako grdo ak bi nešči nastradal na sprevodo zbog radi vručine i to tak kaj bi unda jemo bil sprevod črez dva dni.
Pak kaj je tak teško spremeniti vreme teh sprevodov?
Jožek Radnik