Čestitam na pobjedi
Domovinski rat se brani istinom, a ona se iskazuje kroz ocjene da je to bio obrambeni rat, oslobodilački rat, pa prema tome i pravedan rat. Naša je dužnost čuvati istinu i prenositi je mlađim naraštajima. Budimo ponosni na ono što smo zajedno ostvarili i ne zaboravimo one koji su dali ono najvrednije što su imali, svoje živote -to je rekel Željko Jurinič član legendarne 7. gardiske brigade, štera je prva 5. augustuša 1995. leta ušla v Knin, pre čakoskomo spomeniko poginolim i nestalim međimorskim braniteljima iz Domovinskoga rata dok se je letos obiležaval Den pobjede i domovinske zahvalnosti i Den hrvackih branitelov. To je ono nejglavneše kaj moramo furt meti na pameti i furt nositi z sobom jerbo je v tomo pravednomo i oslobodilačkomo rato rođena naša slobodna i neovisna Lepa naša vu šteroj denes si skupa živimo.
Nikak mi nejde v glavo kaj se furt protiv toga bunijo Milči Pupovac i jegova pajdašija tu prinas i Leksi Vučičov z svojimi četniki onkraj Drine. Oni kak da so pozabili kaj je na krajo rata, dok so hitili puške v kuruzo, našemo generalo Petro Stipetičo rekel pukovnik jugočetnikov Čedpmir Bulat, a rekel mo je: – Gospodine generale, pukovnik Čedomir Bulat predajem vam 21. Kordunski korpus i čestitam Vama i Hrvatskoj vojsci na pobjedi! Dok je to zgovoril i dok je potpisal predajo i zgubo unda je pravzaprav završil Domovinski rat. Tak je to bilo 8. augustuša 1995. leta v Topusko pak mi zato nikak nejde v glavo kaj Pupovac i ovi jegovi prinas, a Vučič i jegovi prek Drine još navek ratuvlejo i oni bi som silom šteli spremeniti povjest, šteli spremeniti ono kaj je bilo i kaj se neda spremeniti. Sam dragi Božek kaj mi imamo toga papera o predaji Srba jerbo da ga nemamo još bi oni, kakši so več je, spremnili kraj rata i zgubo v Oluji pretvorili v pobjedo kak zgubo v Kosovskoj bitki 1389. leta. Nekaj smo se črez stoletja navčili: Srbima ne moči veruvati.
Več unda je general Stipetič rekel sim Srbima da morejo ostati tu na svojim gruntima ili pak oditi prek Drine i iskati bolše živleje. Kuliko nam je poznato jako jiv je malo ostalo, skorom si so odišli, ali so se nešterni vrnuli dok so vidli kak jiv oni z one strane Drine ne poznajo i pred nosom so jim zaklenoli potne lese dobrodošlice.
Nesmo pozabili Olivera
Što bi rekel kaj je več osem let minulo otkak je dragi Božek pozval k sebi na račun našega jako dobroga ak ne i nejbolšega pevača Olivera Dragojeviča. Sako leto se na den jegove smrti, pred kraj juljuša (29.07.) najdejo vu jegovoj Vela Luki jegovi pajdaši i pajdašice i z pesmom, mandolinaj, tamboricaj… kaj pokažejo sima nama kak so ne zabili na svojega pajdaša i našega slavuja Olivera. Te kocertlini sječanja so sako leto v jegovoj Vela Luki na Korčuli de se je narodil i de mo počivlejo zmočene kosti. Ovo leto je tjeden obilježavanja jegove smti bil pod nazivom „Trag u beskaju“ i si oni šteri so došli so nam pokazali kak je nišči ne pozabil Olivera, a još meje jegove pesme. Štel bi sam reči da bi oni šteri složejo te koncertline sječanja morali paziti koga zovejo kaj popevle jerbo sima nam je poznato kak je Oliver ne štel niti za kakše peneze popevati v Beogradu i vu Srbiji. Rekel je: – Nebrem popevati onima šteri so napali naš narod, šteri so streljali po našim ljudima i šteri so hitali bombe na naše grade i rušili jiv. A ovo leto so vu Vela Luki popevali Nina Badrič, Matija Cvek i Jakov Jozinovič šteri so sako malo na pozornicama onkraj Drine. Znuomo da jim Oliver to ne bi oprostil i te nebrejo biti jegovi pajdaši!
Nejbolši smo v Evropi
Kaj ne bodo pak rekli oni šteri nemajo radi Lepo našo kak smo mi po semo nejhujši v Evropi i da nas si i to po semo prestiguvlejo. Ne tak zdavnja se zazvedilo kak smo mi v Lepoj našoj nejbolši v Evropi kaj se dotikavle alkoholne pijače, očem reči, alholna pijača je prinas v Lepoj našoj nejdražeša vu celoj Evropi. Ve vidite, neje lefko prinas biti pijanec, ne da je ne lefko nek je to jako drago. Znuom, ve bodete si vi pregruntali da so naši ljudi, naši Hrvati, a žnjimi i mi Međimorci prestali piti jerbo ako čovek oče biti pijanec polek tak velikih ceni alkohola unda mora meti i dosti penez. Ne bodete veruvali, cene so visoke ili kak mi na Falačko zemle med dvemi vodami velimo velike, ali se broj nas pijancov ne zmenšal kaj znači da se pije i dale i to prek sake mere. Ne morate meni veruvati, ali ak ste bili minuli tjeden na proščejo, na Prcinkulovo, unda ste mogli videt da niti v jenoj krčmi, niti v jenoj točionici, a niti pak vu Vinogradu ga ne bilo mesta. Mesta ste mogli najti vu kazališto, na koncertlinima za deco ili pak v cirkvi. Najte me krivo razmeti, ali vam je tak bilo. Morem vam reči da me je i teca Franca pitala otkod naši ljudima tuliko penez kaj morejo piti den i noč, petek i svetek i to prek sake mere i ne pitajo počim je pijača? To je to čudo našega maloga Međimorja, brzčas smo morali zeti vum i „črne fonde“ z štomfi ili pak z strožoka ak smo se šteli i na proščejo napiti pošteno kak to dragi Božek zapoveda. Kaj reči, mi Međimorci znuomo kaj očemo i dok do toga dojdemo ne špoaramo. Rekel mi je pajdaš Tonča, pak kakše bi to bilo proščeje ak bi dimo došel trezen. Najbrž čovek ima praf, pak je Prcinkulovo sam jempot na leto, a i vroče je bilo prek sake mere tak da je ne muoči bilo žejen se špancerati po vulicama, parkima, a na sakomo korako te fajne i frčne konobarice vabijo kak z kupicom tak i z kriglinom.
Ve se čuda pilo dok je pijača bila nejdražeša, a kak bi se stopram pilo da je pijača faleša – to te ja pitam?
Ali nekaj ne razmem, tak se čuda pije, a naši policaji napravijo kontrolo šoferov z petka na soboto i unda najdejo rekorfera z 1.56 promilov alkohola v krvi. I to so mi nekši rekorderi, pak negda so rekorderi meli prek štiri promile!
Jeden od mortik ne nejvekših, ali nejpoznateši svecki pijanec je rekel: – Liter vina za dva moške je dosti sam unda ako jeden ne pije!
Teca Franca na proščejo
Ne znati kaj se je pripetilo z tecom Francom, ali si je zaželela kaj bi ovo leto i ona išla na proščejo. Rekla je, čula sam na radijumo kak je to nejvekše proščeje do ve v Čakovco pak sam jo moral otpelati kaj je i ona to vidla. Prešpancerali smo se od cirkve do Staroga grada i nazaj tak da je jeno špecijalno oko to se pre škicalo i to joj je bilo dosti. Pitala me kaj je to za te novi drveni most pre Staromo grado šteroga je ona još ne vidla kaj znači da je hajdi dugo ne bila v Čakovco. Još je rekla kak je tu nigdar ne bilo nikšega takšega mosta. Nesam znal kaj bi joj rekel, a ona me je jen čas gledala i unda je rekla da je Nikola Zrinski živ on bi ga skuril ruon tak kak je i skuril onoga velikoga mosta pre Osijeko pred nekaj vejč od tristo let. Kaj sam drugo mogel nek sam dal teci na praf, a ona me pozvala na pivo!
Jožek Radnik