KUU “Lipa” Gor. Mihaljevec je napravila priredbu štera se zvola ”Večer komedije”. Bilo je to 22.3.25.v 7 vuri večer v Zadružnom domu. Dvorana se spunila i počele su mažuretkinje Udruge “Luna” plesati i pokozale su kak se vučijo štape obračati i metati v zrok, bilo je lepo za videti.
Kak so deca sim najbole pri srcu nastavili su i drugi mali, a kak veliki nastupati. Pa je Jan Petković povedo kak je to z jihovim Kokotom, Helena Jurković je povedala zakaj se Međimurci smejejo. Onda je dojšla na red “Zanjkoska graba”. Sara i Lara Novak so tak lepo popevale, a dečki David Polanec, Gabrijel i Leon Kuzma so im igrali. Bilo je za sako pohvalu.
V goste so dojšli i KUD Žiškovec i svojom predstavom ”Ukradeni gusak” kero je napiso za jih Franjo Novak smo se skupa joko zabavili i nasmijali. Dobri so oni si poprek. Za jimi je bio na redu Ivan Grahovec i pročito je svoje dve nove pjesme. Saka mu čast kak da ih z rokova vun meče. I na kraju je KUU “Lipa” počela z svojom predstavom “Godišnjica” kero so napisali Glavina i Kos. Bilo je smeha, a skorom i plača. Si bili presrečni i zadovolni ka je dobro uspjelo. Na kraju so se i probale domoče stvori i fini koloči, dečki so zaigrali, pa se i malo zaplesalo. Ve da nam je još i v nedelo v Prelogu na KAM-u tak dobro odglumiti, si bomo zadovolni.
Jasenka Novak
foto: Međimurske novine