Trampo so se Iranci premilili
Minula sreda je bil srečen den, mogli bi mirne duše reči, za celi svet jerbo je Tramp, a kaj se je nišči ne nadjal prestal ratuvati protiv Irana. Prestali so leteti američki reoplani ober Irana i prestali so sejati smrt i rušiti se ono kaj so Iranci naprajli črez minula leta. No, neje za se zaslužan američki precednik Donald Tramp imajo tu svoje zasluge i Iranci. Najme kaj, nejpredi se je Tramp uvjeril kak Iranci več nemajo nuklearno oružje i dali so časno reč kak ga vejč niti ne bodo delali a da bi uvjerili Trampa da i mislijo ono kaj govorijo otprli so Hormuškoga kanala tak da ve morejo tankeri z naftom mirno plavati kak prema Ameriki tak prema Evropi, a i sikam drugam kam so do ve plavali, očem reči, nafte ga bode po celomo sveto kak je bilo i predi nek je Tramp počel sejati smrt po Irano. No, Tramp ne bi bil Tramp da se nej pofalil kak so jegova avijacija i jegovi dalekometni projektili tak spotrli Irana da bodo meli kaj dvajsti let popravljati. Ak je i pol od onoga kaj je Tramp rekel istina naprajli so velikoga kvara.
Tramp je vu sredo bil jako dobre vole
Tramp je vu sredo bil za neprepoznati, ne sam da je prestal ratuvati protiv Irana nek je otpelal dimo i precednika Venecuele Nikolasa Madura, šteroga je „fkral“ pred cirka tri mesece. Maduro mo je obečal da bode delal se onak kak od jega išče Tramp, a to je da ne bode več prodaval, po skrivečki, nafto Trampovim sosedima Kubancima ak mo to Donald ne odobri i da ne bode, ruon tak, po skrivečki švercal drogo na svceko tržište i pobiral ekstra profita a kaj ne bode nekaj i Tramoi dal. Jako sam najgerek kaj bode stoga sega zišlo i je li se je gospon Maduro pravzaprav popravil v američkomo rešto.
Soco je črvek istine ne dal mira
Vu sredo rano vjutro po našemo vremeno so Brazilci v Ameriki pobedili naše Vatrene v labodoritanjo z rezultato 3:1. Prvo poluvreme je bilo 1:0 za Brazilce, a naši „Kockasti“ so zravnali 6 minot predi kraja. No, sam kaj so Brazilci genuli z centra i došli pre naš gol sodec Armando Vilareal z Amerike je dofučkal elvera za Brazilce šteroga je samo on videl. I ne da so Brazilci zabili elvera nek so v socovoj nadoknadi zabili još jenoga gola tak da je na krajo bilo, kak sam več rekel, 3:1 za Brazilce. No, vjutro dok so se stali oni kaj so gledali utakmico po noči neso mogli veruvati kaj je sodec Vilareal napravil. On je posle utakmice pregledal snimako elvera šteroga je dosodil, videl kakšo je greško napravil i nazval je precednika FIFE Đanija Infantina, priznal mo je greško i prosil ga je nek to jegovo greško ispravi. Rekel je, ne sam kaj bi poništil toga gola z elvera nek i ovoga drugoga, očem reči, tretjega gola, šteroga so Brazilci zabili jerbo da je ne opal gol z elvera ne bi bilo niti ovoga tretjega i prosil ga je, utakmica je bila prijateljska i neje bila na kladiomici i nek jo proglasi nerešenom (1:1) jerbo je to po onomo kak so igrali i kaj so pokazali i jeni i drugi nejpravedneše. Rekel je, ne bi bilo vredo kaj bi zbog radi toga kaj sam se ja zaletel kaj bi Brazil pobedil, a Lepa naša zgubila, a niti so Brazilci zaslužili kaj bodo pobedili, a niti pak so Hrvati ne krivi kaj so zgubili.Kaj je precednik Infantino mogel drugo naprajti nek spuniti željo soco Vilarealo ak ga je of tak lepo prosil. Što bi se to nadjal od američkoga soca i to vu labodoritanjo, kuliko ja pamtim, a tu je i teca Franca, štera čuda duže od mene pamti, to se je još nigdar ne pripetilo. Kuliko vidimo najde se i v labodoritanjo poštejakov.
To sredo je i Dalič mel srečo
Neje naš izbornik Zlatko Dalič mel srečo sam kaj je dobil boda vu več zgublenoj utakmici nek je toga dneva dobil rešeje od HEP-a vu šteromo so mo napisali kak so uvažili jegovo moljbo i legalizerali so mo vikendico na Hraščanskoj Dravi tak kaj ga ne bodo več prozivali ovi naši levi novinari. Verjem da se zmislite kak je vu zadji mesec dni bila velika hajka na našega izbornika i na jegovo vikendico na Dravi. Malo je čudno bilo kaj so novinari od ovih cirka dvjesto vikendici na Dravi kak vu Hraščano tak i vu Kuršanco ruon Daličovo zeli na pik, a neje niti nejvekša, a niti pak nejlepša, ali znate kak je več to da levi novinari morejo čoveko se oprostiti sam uspjeha ne. Moremo slobodno deti roko na srce i priznati kak je Zlatko, otkak je došel na mesto izbornika naših Vatreni, naših kockasti,znal sam za uspehe i pobjede, a ruon tak je sima pokazal da se razme v labodoritanje i da je ne levi. Sa sreča kaj mo je HEP legalizeral vikendico tak da mo je jeden kamen opal z srca.
Makar je ne zgledalo, ali so se ipak zišli
Kak god smo mi klimali z glavom dok smo zazvedili kak so se precednik Zoran Zoki Milanovičov i pemijer Andrej Drašek Plenkovičov dospomenuli kak se bodo zišli na prvi april, očem reči, kak se bode zišlo Viječe za nacionalnu sigurnost i Viječe za obranu i kak se bodo spominali o novonastalim problemima šteri so se pojavili od kak je počel rat na Bliskomo Istoko, točneše rečeno, otkak je Tramp napal Irana jerbo Iranci so krivi za se nevole na Bliskomo istoko za štere mi znuomo, a ruon tak i za one štere zna sam Donald Tramp. Makar sam niti ja ne veruval da se bodo zišli Milanovič i Plenkovič, očem reči, da se bodo zišla tua dva naša vječa nejvglavneša za obrano Lepe naše oni so se ipak zišli. Ne sam da so se zišli nek so se i spominali hajdi dugo i na se zadje so se dospomenuli da bodo dali se od sebe kaj ojačajo obrano Lepe naše ak bi nekaj Božek pak nekomo palo na pamet kaj bi halosil po Lepoj našoj. Ne znati je li bodemo kupili izraelske „Davidove pračke“ kaj se bodemo mogli obraniti od dalekometnih projektil štere so Srbi kupili od Kinezov, o tomo se je do denes nišči ne pofalil. Znuomo kakše oružje imajo Srbi unda mi moramo naprajti bolše kaj bodemo mogli biti bolši i jakši od jiv ak jim pak na pamet padne meja Virovitica – Karlovac – Ogulin – Karlobag, a kuliko čujemo od oni, šteri se čuda bole od nas (tece France i mene) razmijo vu međodržavno politiko, našim sosedima je tua meja furt na pameti.
Pred nami je nejvekši katolički svetek, a to je Vuzem, den da je uskrsnul naš Spasitelj Isus Krist. Želim sima vama, vašim familijama srečnoga i blagoslovlenoga Vuzma i nek vam uskrsli Spasitelj podari obilje blagoslova, mira, zdravlja, veselja i zadovoljstva!
Jožek Radnik