Vozim se koli po Međimurju i gledim kak so se sa mesta, a posebno pa općinske metropole nakinčile v ovo predblagdansko vreme. Se se blešći, lompice žmigajo, a si redom, pa i oni šteri ne znojo kak cirkva znutra zgledi, vužižejo advenske svečice. Takmičijo se čija bo sveča vekša i lepša, ka bi se bole malomo Isusu dopoli.
Pa i jaslice so već vum s cirkve postavili i lepo jih s lompicamai na strujo nakinčili. Probam se fpotiti je li mi župnik da f cirkvi ili na veronovoko reko ka moram čuda penez za vreme Adventa, a izda već za Božić potorošiti, ka bo to milo drogomu Isusu ?!?!?!?!
I tak z svojimi mislima dohdev v Općino, a ono, nega nikaj nakinčenoga, nema niti jene bleščeče lompice ili svečice, kmica, sam se tu u tam črez šteri oblok vidi zaškrhjeno svetlo, a iz tih malih hižica čuje se smeh i vesela dečja popevka. Zidem se z jednim gosponom, pa ga pitam: „kaj je pri vas ne Advent?“ Človik mi črez smeh reče: „ kak ne bi bil, je Advent je, ali mi smo v Općini zbrali peneze kaj bi doli za đunđe, za elektriko, za cmreke i ostalo kaj drugi delajo, pa od tih penez bokcima v Općini saki mesec črez leto malo pomoremo, tak je nas Isus nafčil“.
Pitate me de ja ta Općina?
Verovali ili ne, jedino v mojoj storoj bedastoj glovi.
Pa se zoto ne dajte smetati, radujte se ……… i najte pozobiti za Božić bor jeno petardo hititi, ka bez toga naš drogi Isus morti ne bi zno kam dojti.
Vukanovčar