Smetje ne mora biti iste boje kak partiska knigica
Neje dugo trelo da se klupko štero se zove opasno smetje počelo odmotavati i to čuda fletneše nek smo se nadjali. Ovo veliko smetlišče v Gospičo je povleklo se župane i županije kaj se oglednejo okoli sebe i poluknejo je li i oni imajo kakšega takšega PPK-aa, očem reči, nekšo skrito i zapuščeno mesto de bi se mogle skrivati tone i tone smetja štere so dopelane,po dnevo ili pak po noči, kak smo to minuli tjeden rekli, od naši sosedi z Dojčlanda, Osterajha, Italije ili pak Dežele. Ne bodete veruvali, ali saka županija ima svoje „poštejake“ šteri so dopuščali kaj stranjsko smetje smradi Lepo našo i dok jempot to dojde na svetlo dneva, kak je ve to došlo v Gospičo, unda bode to jempot zanavek pretiralo naše turiste, naše furešte šteri dohajajo k nam na urlabe i tak nam punijo naše lokalne, a i državno kaso. Broj divji odlagališti, ne samo običnoga smetja nek i opasnoga, saki den raste kak glive posle dežđa tak da smo več došli do toga kak saka županija ima svojega Gospiča. Poznato nam je kak je za smetje v Gospičo kriv HDZ i Plenkovič (tak bar velijo Benčička, Hajdaš, Dalija i Most), a po drugim županijama so odlagališta vu rokama onih šteri so na vlasti ili pak so bili do fčera ili pak prekfčera da se je smetje počelo dovažati. Tak se je do ve zazvedilo kak HDZ ima nejveč smetja vu Lepoj našoj jerbo v nejveč županiji obnaša vlast, v belom Zagreb grado sa smetlišča pod sobom imajo Tomaševič i jegovi Možemosi, pre našim sosedima Varaždincima i Zagorcima so to Haenesovci , v Reki so to kak i prinas v Međimorjo SDP-ovci jerbo od prvoga dneva kak so zafremana komunalna poduzeča SDP-ovci držijo vu svojim rokama cugle vlasti. Oni so odnegda znali kak je smetje, kak smo to i zadji pot rekli, nejvekši biznis posle nafte štere mi prinas vu Lepoj našoj nemamo…, nemamo dosti za veliki biznis. Bar ne tuliko kuliko naši sosedi imajo smetja.
Štel sam vam tu reči još jeno stvar, pravzaprav ne stvar nek istino: prilika dela lopova od čoveka, tak da so si oni šteri so na vlasti ili so bili na vlasti meli priliko napuniti žepe i kuliko nam tua divja smetlišča kažejo to so i napravili i neje važno vu kakši boji partiske ili pak stranačke vlasti so koristili to priliko. Oskar Wilde je več zdavnja rekel: morem odoljeti semo samo ne izazovo, očem reči, priliki. A z druge strane vreča nebre biti tak puna kaj još nekaj ne bi nutri zišlo ak se malo bole natiska kaj bi rekli čovek nebre meti tuliko penez kaj nej još malo pohalosil ak se pokaže prilika. Tak je to bilo i z smetjom. Saki političar na vlasti šteri je zgledal priliko štera mo se nudila jo je zgrabil z obedve roke, očem reči, nikaj to jega ne muoči kaj bode zasmradil Lepo našo štera je na dobromo glaso kak mala, čista i lepa za veliki odmor, a čim je čovek v priliki on proda se sam kaj napuni žepe do vrha ili pak prek vrha. Kak god smo si mi poštejaki, ali dok dojde prilika unda je to nekaj drugo, nekaj kaj se ne prepušča. Dok na svetlo dneva dojdo sa ta smetlišča unda bodemo vidli kuliko v našoj lokalnoj, a ne sam v državnoj politiki imamo „poštejakov“.
Psihijatar je čovek šteri vam postavlja cele brege jako dragi pitanji, a to isto vas i žena pita čistam zabadav…
Što bi rekel i žene pijejo…
Dugo je trelo našim policajima kaj vu pamet zemejo kak dauko ide tua ravnopravnost moži i ženi. Najme kaj, hajdi dugo so policaji ne kontrolerali žene dok so vozile aute je li so si kaj cugnule jerbo čim so vidli ženo kaj vozi znali so da je moški polek kak mitfajer stoprocentno pod gasom i da je malo globleše pogledal v kupico. Dok so policaji to tak „spametno“ delali unda smo i mi ženama dali ključe i aute vu roke tak da nas je na cesti več nišči nikaj ne pital. Ali neje dugo trelo kaj je vrag došel po svoje, najme kaj, žene so počele voziti i počele so fušati dok so bile pod gasom: em so zahačile pešaka i to na zebri, em so štrajfale čoveka na peciklino, em je sosedov retrovitzor odišel po riti k meši, em so garaže bile prevoske… Tak je to zišlo v prometo dok žene pijejo, ali niti je doma več ne mir ak žene uznemirene, očem reči. alkoholno vnjene (kak bi to rekli naši sosedi Janezi) dojdejo dimo unda počnejo iskati pravico i to po celi hiži. Znate kak so žene kak i mi ljudi dok malo globleše poglednemo v kupico i to malo vejčpot unda z sakom kupicom koraž raste tak da so svaje se vekše i se gosteše, a ako je z druge strane ruon tak koražen protivnik unda obedva tučejo z šakom po stolo kak da je stol kriv kaj so oni pod gasom. Kuliko vidimo neje lefko biti pijanec,a niti pak muož od pijanca, mi pravi, kaj ne bodem rekel školani pijanci mi dok dojdemo dimo alkoholno zmočeni mi sam posteljo iščemo ak uspemo potrefiti hižo otkod smo odišli z doma i ak ključ z našega žepa otklene vrata hiže vu šteroj bi mi morali biti gazde. Dok dojdemo nutri hodimo stiha i na prstima kuliko moremo kaj ne poteremo psiho i ne zbudimo „gazdo“ zato je nejbole oditi spat vu zadjo hižo i ne preveč kukurikati jerbo ako „gazda“ čuje vu kakšemo stanjo smo došli dimo unda nam ne gine jezikova juha mam za lefko noč, a več nas čaka čim se stanemo za dobro jutro. Dobro je, jako je dobro ako bar jeno moramo zbeči. Čuda je leži pre hiži de mož i žena tankajo na istomo tank štelo, ali to dugo ne traje jerbo so problemi vekši ak so tanki (čitaj: želoci i glave) preveč puni.
Štef je rekel: još sam nigdar ne bil tak pijan kaj bi dal ženi kaj bi me vozila!
Pak so „beli ftiči“ dobili krila
Mi Međimorci, očem reči, Čakovčanci smo meli svojo televizijo jako zdavnja, čuda predi nek Hajdukovci svojo, ali smo jo zahuzali. Ne smo znali kuliko nam vredi, kuliko nam treba tak dugo dok smo ne ostali bez nje. Mi smo ostali bez televizije a Hajdukovci bez titule prvaka Lepe naše štero so zadji pot osvojili pred 21 leto, ali so televizijo zadržali i skupa z Torcidom čakajo kaj bodo znova prvaki, očem reči kaj bodo znova igrali vu Evropi. Verjem da znate kak je Ajduk posle 16 let izboril kaj more malo duže igrati v Evropi, a dok se je boril za mesto v Evropi to so mogli videti sam Hajdukovci i nedajo oni nikomo kaj bi gledal jivo televizijo što nema člansko iskaznico, a to mi čistam vleče na političare na vlasti. Nesam veruval da bode takše veselje vu Splito dok so se Hajdukovci vrnoli z Poljske z vizom za Evropo Torcida jim je naprajla dočeka skorom kak Ivaniševičo dok je, pred 25 let osvojil Wimbldona. I ne sam to i trener Garcia se je resplakal ili pak so mo suze pobegle, rekel je: da sam ja znal da vam Evropa, očem reči, pobjeda vu Evropi tak čuda znači bili bi mi več zdavnja nekoga vuni pobedili, a ne sam Lokokmotivo doma. Neje Garcia znal kak je malo treba Dalmošima (čitaj: Torcidi) kaj bodo srečni i veseli, treba samo Hajduk pobediti ili pak Dinamo zgubiti.
Jožek Radnik