O „Rakovoj grabi“ več je bilo govora. Došel je v Rakovu grabu jen preštimoni gospon i to ne bilo kak , dopelal se s autom pak veli :“ Več sam dosti let na svetu i znom da decu ne nosiju rode, al kaj mi se denes dogodilo. Vnuk me poslal po nekšoga miša za kompijuter, nesam platil kortu za parkiranje i povok mi je odnese auto. Pa si mislim ak so miši za kompijutere, povoki aute nosiju , zakaj nebi odišel po meda k raku“. No i prav je napravil.
Več por let rakovi imaju košnice ,vredne čmelice i finoga meda. Obično se veli kaj je fino neje zdravo,a kaj pak je zdravo neje fino ,no al to ne vredi za med .Med je prije sega lek i hrona a još k tomu joko je fini. To vam je hrona bogova. Čmelice su vredne ka im mega pora. Doneseju one meda, cvetnoga proha,naproviju propolis,vosak,matičnu mleč i čmelinji otrov. Kak v semu tak i s čmelama treba čuda delati a još več znati. Prve košnice ,prvo zvonje nabavil sem od provoga meštra od čmeli , gospona Viktora Dobranića. Dok čmelice zašumiju, zabrniju ,s košnici se širi miris meda,propolisa to vam je lek za dušu i telo. Saki pot dok se otpira košnica , kak da idete v hram ,v nečiji dom i čmelice su domačini a mi uljezi. Pičiju čmelice negda, al neje to strašno ak neje alergija te otrov je jako zdravi.
Čmelor neje biti lehko ,da je, to bi bil saki.
Čmelor je ne niti posel niti zanat, to vam je dijagnoza, jenput čmelor zanavek čmelor !
Ak se bute kaj sprohojali po bregima blizu Rakove grabe slobodno dojdete k raku po meda.
Dražen Bogdan
( rakov dražen)