Krboč, kaj ga dela Drago Bogdan z Vugrišinca, je živi spomen na stari međimurski običaj vezani uz blagdan Nevine dečice, 28. prosinca, kaj se v narodu zove Herodešovo. Ten se dan zove i Šibarjevo ili Mladinci, a vsi ti nazivi dojdu z običaja kaj se je z kolena na koleno prenášal stotine let.
Na Herodešovo se je, po narodnem verovanju, dečici simbolično prenašalo zdravje, moč i spretnost. Zato je uz ten blagdan došel običaj lagano šibanja dečice svežom šibom, najvek put vrbovim prutom, odnosno krbočem. Ten čin ni imel nikakve kaznovne uloge, nego se je imel za blagoslov i dober znak za leto kaj dojde.
Krboč kak ga dela Drago Bogdan
Drago Bogdan je jen od retkih kaj i den denes dela krboč na pravi, stari način. Dela ga od vrbovih grana, od šib, kaj se v međimurskom govoru zoveju gožve. Kak veli, važno je da je šiba sveža, jer baš ta svežina znači životnu moč i zdravje, kaj se s ten običajem šče prenesti na dečeca.
V mnogih selih Gornjega Međimurja krboč je bil neizbežni rekvizit na Herodešovo. Dečicu su bajali roditeli, babe i dede, često već z rane jutre, nekad i v posteli, samo da se običaj ne bi preskočil. Verovalo se je da bu dečec, ki je „pobajan“, bil zdravi, hiter i otporni celi leto.
Bajanke kaj ih je govoril Dominik Padarić
Uz krboč su se govorile i posebne bajanke, a nekih se je spomnil Dominik Padarić z Žabnika. Jedna od najpoznatejših je bila:
„Zdrav bodi, frižek bodi, dober bodi, k meši hodi!“
V okolici Nedelišća se je govorilo:
„Vun scat, vun srat, firžek bodi, zdrav bodi!“
A v štrigovskom kraju je bila poznata bajanka:
„Friški bote, zdravi bote, srečni bote, dugo živite, sako nedelo k meši hote.“
Reči su se razlikovale od sela do sela, ali poruka je navek bila ista — želja za zdravjem, dugim životom i dobrim putem. Bajanke su imale jednaku važnost kak i sam krboč.
Zakaj se Herodešovo zove i Šibarjevo ili Mladinci
Naziv Šibarjevo jasno govori o šibanju, odnosno bajanju šibom, dok Mladinci pokazuje da su v središču običaja bila dečica. Krboč je imel i društvenu ulogu med mladima — mladići su znali simbolično pošibati devojke kaj su jim se dopale, pa je to znal biti i nenametljivi način udvaranja.
Denes se Herodešovo retko slavi na pravi, stari način, ali zahvaljujući ljudima kak je Drago Bogdan, ki i dalje dela krboč, i svedočanstvima Dominika Padarića, ten dragoceni del nematerijalne baštine Gornjega Međimurja neje zaboravljeni.
Prijevod: Željko Tomašić
