Od malim nogu sem hodijo po mojoj vulici god i dol, a ve pa moram dobro paziti da morem na špancer z svojim domobranom, a da se španceram moram joko dobro paziti s kim se bom spomino. Ako se pozdrovim z sosidom keri ide v Dojočland ili Ameriko, onda se jeni, jeni sosidi ne spominajo zmenom, zoto k ono toga sosida živi nebrejo videti. Ako pa se spotoma pospominam z kerom sosidom, već isti den se čuje po vuluci i selu: “Gle korveša bezobranzonoga, žena mo je ne tu i odma ide k sosedi” ili tak nekak. A prova svoja vam počne da se moj pesonja pošći pre sosedovoj banderi, onda se policajce zove. Moja vulica je prova međimurska vulica “nišći z nikim”, pa je najpametneše zaprti se v svoji prešo z propuhom (kad je moj dom nazvala velemožda gospođa dotepenka v Mihaloveco).
Dok sem bio mali dečec v mojom vulici je bilo sega por hiži i si smo se poznali, skupa kolinili, grozdje i kuruzo broli i jeni drugima pomogali. Meo sem štiri leta, dok sem se šteo oženici z Zoricom Aninom, ali se se vremenom predomislio. V ulici so bili: Lujzovi, Borkovi, Venčovi, Lipićovi, Anini i Krojoki. Kleti su meli: Brglezi, Pekovi, Borkovi i Halaborci. Kleti so zrušene i tu su naprovlene vikendice i polek narečenih zazidajo je koli 30 vikendica.
Denes so skoro se te vikendice nadozidane na hiže, mlodi so pokupovali vikendice i pretvorili so joj v svoj dom, a to sam kože kak je moja vulica od Boga dona i lepa. Z moje vulice se vidi Čakovec i Varaždin i sa mesta pod Kalnikom i neštera pod Ivanščicom, pa i Drovsko jezero. A i Slovenija se vidi: Drovsko Srdišće, Kog, Jeruzalem i tak dale.
A odišli so ljudi z moje vulice i v Autralijo i v Švedsko v ono vreme da so morale bežati od blagodati socijalima i Jugoslavije, ka bi začuvali glovo na rameno ili pa meli kaj jesti.
I tak ve da idem mojom vulicom gledim nepoznate i tu i tam poznate ljude, ali si me joko radi gledijo, ka večina hiža ima postovlene kamere ka vidio kaj se vuni dogoja, a ne morajo iti vum. Si veliko ka ih oni drugi špijonerajo, pa so zoto deli kamere, ali mi nikak neje jasno zakaj su rom se kamere obrnute na mojo vulici tj. općinski pot? Pa ne mislijo morti ka bom se gol po vulici pošpancero (a meli bi kaj i videti, hahaha…) . Ako me nešći i počasti spominkom onda je to ka mi pove kakšni su si drugi sosedi, a pri tem si opče ne mislijo ka i ti drugi sosedi meni to isto velijo za jih.
Zbog blagodati socijalnizma v Jogoslaviji sem moro oditi z moje vulice po bivšoj državi ka se školam i ka bom meo bojši život. No, dojšo je rat, pa sem svoju obitelj dojšo nazoj v svoji vulico, a jo pa sem odišo po ratištima Hrvatske, ka bi pomogo, kolko morem, stvoriti bojši život, ne samo za svoju obitel, nego ka Međimurje dobi Županijo, ka moja Fara dobi Općino, ka konačno bomo svoji na svojemu. Si so me pozdrovlali, zvoli na kovo, pa i brigali se za mojo obitel dok sam bio na ratištu. Dojšli so časi da se već ne snalazim. No, dobro i ostatilo se med tem, ali poštovanja nema, velijo: “što mu je kriv pa je išo v rat”, ako pa kaj predložim ili velim nekaj, odma me napodajo sa sih stron ka jo blotim općino. Zamislite blotim općino kero sam stvarao! To vam je išlo se do toga da su nešteri prijateli počnoli govoriti po općini ka jih je srom ka me poznajo! Fola lepa! Oprostiti da, pozopbiti nigda ! Dojšlo je do toga ka me jena dotepenka tera z moje općine i moje preše propuhom, hmmm… mori si misli ka bi ona prek općine mogla dobiti to prešo, ka takšto topel dom ona nigdor nebo mela. Zoto ostojem v mojoj vulici, pa makar prek kamera gledijo kak se španceram i malo što se vupa spominati z menom. Znote, denes je ne uputno se spominati z dragovoljcem Domovinskog rata i Hrvatskim ratnim vojnim invalidom, bi vam što zameriti mogo. Si roditeli keri so hodili k meni prosit ka i pomorem ka im sin vu vojski ne mora iti na ratište ili pa ka opće ne ide k vojski (ponogo sem sima, ne mi je žal i znova bi pomogo) so počnoli patiti od amnezije ili demencije, pa me već niti ne pozdrovlajo da se zidemo. Žene kere so dohojale na moj dvor da sem na krotno dojšo z ratišta, pitati kak so jihovi moži i plakale se pred menom (navek sem najšo reči utjehe i prenosio pozdrave) ve odidejo na drugo stron ceste da me vodijo. Se se to more durati, tak očevesno mora biti, jedino kaj me joko boli, ka me se moja generacija (najbolša generacija OŠ Mihalovec) odrekla, a jedini sem z generacije keri je bio v ratu od početka do kraja. Predi nekaj časa je jena ženska z moje generacije na jenom mestu rekla: “Najte jega zvati, jega mrzi 2/3 općine”. Na srećo jo znom keri so v onih 1/3 općine, provi prijateli i šteri mi nigdor nado hrpta obrnoli. Vište kaj si se premišlovlem da se španceram po mojoj vulici.
I tak, dok se šnaceram po mojoj vulici gledim dol drugo vuloco “Zajkosku Grabu” i skoro sem jim malo jolen kak su si služni, kak pomožejo jen drugom, kak skupa vuzmenko kurijo, pa i mojoj vulici pomožejo.
Vukanovčari, živeli jezero let !
Vukanovčar