Sedem let je minulo, a još se ne zna
Mel sam priliko gledati na naši televiziji emisijo o koroni, očem reči, COVIDU SARS – 19. Niti sedem let posle otkak se korona pojavila i pokorila celoga sveta ne zna se točno otkod je došla i za kaj? Svecka organizacija za zdraviče nam je rekla kak je od korone na kugli zemaljskoj hmrlo cirka 17 milijonov ljudi, nejveč posle španjolske gripe 1918. leta. Došla je stiha, potukla je milijone ljudi i stiha je odišla, ali ne do kraja jerbo se još i denes tu i tam pojavi i širi paniko (nekaj meje) i straha (malo vejč). Kak mo več rekli još se niti posle sedem let točno ne zna otkod je došla i zakaj i kakši je to beteg protiv šeroga so naši farmaceuti ne uspeli najti leka nek se protiv korone, još navek, borimo z cjepivom, čajima od kajkakši travi i prahekima protiv vručine. Kakše „oružje“ imamo protiv korone rekli bi da je to nekši slabeši beteg od gripe, ali dok čujemo kuliko je ljudi potamanila vu kratkomo časo unda nam tua teorija mora pasti vu vodo. Kuliko sam mel za čuti laboratorij z šteroga je, bar tak velijo, viros korone pobegel jerbo je nešči ne do kraja zaklenol „krletko“ vu šteroj so ga pazili, je bil vu Wuhano v Kini. Ne znati je li se je nekomo posmeknulo to kaj je viros odletel vum z kineskoga laboratorija i proširil se je po celomo sveto ili pak je nešči to naručil? Znuomo kak je to završilo, znuomo da je 17 milijonov ljudi odišlo po riti k meši, a ve sam zazvedil da te laboratorij vu Wuhano i dale dela kajkakše virose šteri morejo potamaniti, kak se to veli „pol sveta“ ak se pak nekomo posmekne kaj ne bode do kraja zasunul vrata na „skladišto virosi“, a niti sam dragi Božek ne zna kuliko bi ljudi potamanili te novi virusi (SARS 26, 27 ili pak 28) ak bi se takša nevola pripetila. No, zazvedili smo kak skupa z virosima denes delajo i lekece šteri morejo te virose potamaniti i pmoči ljudima kaj ne bodo bez pomoči kak smo si mi bili dok se je, pred sedem let, pojavila korona.
Lekeci protiv virusov???
Nadjal sam se, toplo sam se nadjal, kak nam bodo rekli zakaj se je ne napravil lekec kontra korone (SARS -19) unda, a i zakaj ga još niti denes ne jerbo da to farmaceuti celoga sveta nebrejo naprajti to nebre biti istina. Zakaj? Zato kaj oni več imajo gotove leke i za one betege za štere so doktori još ne zazvedili. Oni šteri vladajo svetom, bili oni masoni, slobodni zidari ili pak se zvali nekak drugač, sigurno znajo zakaj se to pripetilo, de i zakaj, oni dobro zanjo zakaj delajo te virose i kaj bodo žnjimi. Se znajo, se imajo, se morejo, a to so pokazali pred sedem let da so zastajli celoga sveta kaj so nam sima pokazali kak se morejo kaj očejo. Ve imajo se kaj so šteli, još vejč od toga, ali i to jim je premalo jerbo ga ve preveč ljudi na ovomo sveto štere ne nucajo i šteri jim se sam motajo. Jiv ne nucajo od da jim roboti i umjetna inteligencija delajo sega posla zato se več duže od deset let forsirajo moderni pari pajdašije, šteri nemajo deco i ne delajo deco, a to so lezbijke i pederi. Ve vidte na kaj je došel of naš svet? Nekaj si gruntam kak bode itak dugo zdržal? So je sreča kaj je još ne nišči zmislil nekaj kaj bi mogli sonce (štero život znači) vgasnoti. Ali kak veli teca Franca, Jožek, nej tri pot reči kaj se ne bodeš moral vgristi za jezik! Kaj bom rekel, ima teca praf, kak vu zadje vreme se ide fletno napre, nigdar se ne zna? Unda smo si skupa kaput. Nigdar se ne zna da se more pok najti nekši „čovek“ šteri nema kaj zgubiti pak stisne črlenoga gomba.
Več je dugo ne tak vrelo vu sveckomo političkomo lonco
Još je ne počel tretji svecki rat, ali bormeš smo niti ne preveč dauko od toga. Ratuvle se na sve strane: Ukrajina protiv Rusije več hajdi dugo i to je rat šteri traje duže od štiri leti, ali još mo ne vidimo kraja. Lani so počeli ratuvati Izrael i Palestina, a ve pak so Ameri i Židovi napali Irance i to kak velijo naši „levi“ političari, šteri se nejbole znajo, z čistoga mira. Med tem so Ameri malo pretepli Venecuelo, a zbog radi toga Kuba skešči jerbo ido prema bankroto bez nafte z Venecuele. Ve se zazvedilo zakaj je Tramp halosil vu Venecuelo kaj Kubi zapre pipe za nafto. Posle Venecuele Tramp je hitil oko na Grenland tak da ga te mali ili pak vekšratni ogji je po celomo sveto. Što zna de se pak more vužgati novi ratni ogej i to predi nek se mi zutra vjutro stanemo. Kaj se teh ratov po sveto dotikavle, mi tu v Lepoj našoj nebremo preveč nekaj pomoči, ali nebrem tu razmeti naše političare. Najme kaj, naši levičari držijo „štangu“ jenima, a desničari drugima? Veli teca Franca, Jožek pak kaj se čudiš, pak je prinas navek tak bilo, jeni so bili na jenoj strani, a drugi na drugoj. Ruon tak je bilo dok je minister Anušič donesel odluko kaj bode znova naše mlade pošiljal vu vojsko, levi so bili protiv, jerbo kakti ne tre za to peneze trošiti, a nejso se niti ve pokrili po vuhima dok se ratuvle na se strane. Kakti nam ne tre nikaj, ne tre niti kupuvati reoplane, ne tre kupuvati niti tenke jerbo to preveč košta, ali zato moramo biti spremni na se ak bode de zutra pak nešči pohalosil za našom zemljom. Znuomo si kak je to bilo 1991. leta dok so nam zeli oružje, dok so nam zeli se pak smo jif itak pobedili, ali ne moramo si to privoščiti još jempot. Bole da imamo, tenke, bole da imamo reoplane pak se bodejo oni šterima diši Lepa naša morali dobro pregruntati je li bodejo išli prek naše meje ili pak ne? Ak bodo ipak genuli unda morajo na pre znati kaj jiv bode čakalo! Zna se da bodo odišli po riti k meši kak so to odišli četniki i jugosoldateska dok so šteli preseliti državno mejo na linijo Virovitica – Karlovac – Ogulin – Karlobag pred 35 let!
O tem denešjim ratima morete i hajdi toga prečitati na Fejsbuko i drugim, kak se to veli, društvenim mrežama:
Nejte se bojati tretjega sveckoga rata…, mi smo još ne završili drugoga!
Splašil sam se kaj bi mogel početi tretji svecki rat, a unda sam se zmislil da mi imamo pecto jezer branitelov (pozabil je još na onih deset jezer partizanov)
Tu je došel na svoje stari dobri Albert Einstein: Ne znam z kakšim se bode oružjom vodil tretji svecki rat, ali četrti svecki rat se bode stoprocnetno vodil z drvjom i kamejom!
Jožek Radnik