Joža Broz i Tito so se ne poznali?
Več sam parpot pisal o tomo kak so nas komunisti još negda prevarili i to ne sam z socijalizmom i komunizmom nek i z prvim čovekom negdašje Juge. Pisal sam o tomo kak je v Rusijo odišel Joža Broz, a Rusi so nam za glavnoga partijca poslali druga Tita. O tomo da je Joža Broz ne bil ljubičica bela, očem reči, drug Tito napisal je knigo naš sosed z Dežele profesor i doktor Marko Boštjan Turk.
Kaj mi znuomo o Jožijo Brozo i o drugo Titijo? Malo vejč kak nikaj . Znuomo da se je Joža narodil 1892. leta i to milicaji velijo da se je narodil v marcijušo, a si drugi so stoprocentno sigurni da se je to pripetilo v majušo. Drug Tito je govoril da so jegovi japa i mama meli desetero dece, a Joža Broz je znal da jiv je bilo petnaest. Ruon tak znuomo da je drug Tito hmrl v majušo 1980. leta. Nišči točno ne zna da so se Joža i drug Tito prvič zišli i de se je to pripetilo? Najbrž je to bilo v Rusiji, a mortik so se nigdar niti ne zišli.
Profesor Turk je prelistal i prečital hajdi prašnati knigi i zazvedil je čuda toga. Zazvedil je kak je Joža Broz zginul posle aprila 1938. leta, posle povratka v Rusijo, a predi 5. januara 1939. da je Bugar Georgi Dimitrov jeden od glavneši v međunarodnomo komunističkomo pokretorekel sima kak je ruon Joža Broz zebrani za generalnoga sekretara CK KPJ. A od predi smo znali da je drug Tito bil sedmi na listi za generalnoga sekretara, ali so, da tak velim, vredneši kandidati naglo odišli k Božeko na račun tak da je Tito jednoglasno zebrani. Pravi Joža Broz se je zgubil negdi vu Staljinovim čistkama, a „Titija“ so zaškolali Rusi i prešel je ruske škole i splival je vum z ruske revolucije.
Da so Titija našoj negdašjoj Jugi podvalili Rusi nejbole se vidi na slikama. Na sliki iz 1928. leta z suđenja v bombaškomo proceso se vidi da Joža Broz nema resico na vuhi, a na kesnešim slikama se vidi kak je drug Tito mel baš jako vidljivo ušno resico. Joža Broz je mel izbočine na prednjemo djelo glave, a Tito je to ne mel. Joža Broz je več 1928. leta nosil očale, a Tito jiv je nigdar ne nucal. Joža Broz je bil visoki 180 centimetrov, a Tito je bil čuda menši, sam 160 cm kaj smo vidli dok je došel v Čakovec 1977. leta dok ga je v hotelo Park dočekal ondašji precednik čakoske opčine Danijel Režek, šteri je bil bole tak visoki kak i Tito. Joža Broz si je prefčeknul prsta dok je delal kak šlosar, a Tito je ne mel to falingo na kažiprsto. Joža je govoril hrvatski, nemački, ruski i slovenski jerbo je kak dečec živel pre japici vu Sloveniji onkraj Sutle i tam je hodal v pučko školo, a Tito je govoril engleski i francoski i igral je na klaviro, a klavir je šlosaro z Kumrovca nigdar ne pal na pamet.
Žene so mele posebno mesto vu živlejo druga Tita
Skorom celo svoje živleje drug Tito je posvetil ženama. Znuomo da se je Joža Broz oženil v Rusiji z Pelagijom Belousovom i to 1918. leta dok je Pelagija mela sam 15 let i skupa so meli sina Žarka, a rezišli so se 1936. leta. To je se kaj znamo o Joži i jegovim ženama, a kaj se dotikavle druga Tita i jegovim ženama, pucama, ljubavnicama i ljubavnim aferama o tomo bi se mogla napisati kniga i to ne sam jena. Zna se da se Tito ženil štiri pot. Prva žena mo je bila Njemica Ana Koenig z šterom se je fletno rezišel. Posle Ane žena mo je bila bogata Slovenka židoskoga porjekla Herta Has, ali niti oni so ne dugo bili skupa. Za vreme rata velika ljubav mo je bila mlada skojevka Davorjanka Paunovič, jegova osobna sekretarica štera je hmrla fletno posle rata od tuberkuloze. Od 1946, pak do Jovanke se je ne ženil, ali je črez jegovo živleje prešlo hajdi ženi jerbo je jako rad mel žene i neje mogel svoje živleje zamisliti bez ženi. No, neje se točno zazvedilo što je Titijo takorekoč podlečil Jovanko (prepoveda se i o tajnim službama), ali on jo je prihvatil i dugo let je živel žnjom, a boril se je protiv je. Kaj reči, znuomo da je niti jena žena ne bila tua štera bi bila svoje živleje podelila i z Jožom i z Titijom, a unda bi stoprocentno znali kakši je bil Joža, šlosar z Kumrovca, a što je bil drug Tito (i kakši je bil) šteroga so nam podlečili Rusi?
Kaj se govora i jezika dotikavle velijo oni šteri se nejbole v to razmejo da je Tito bil Poljak ili pak Rus. Joža Broz je do osmoga leta govoril sam slovenski jerbo je hodal vu slovensko školo i živel pre japici onkraj Sutle…, a Tito je slovenski nikak ne ležal.
Zakaj Trampa tuliko muoči Grenland???
Najempot je na svetlo dneva došel listek želja američkoga precednika Donalda Trampa. On bi štel pod svojo kapo deti Grenlanda, Kolumbijo, Kubo, Panamo, Nikaragvo, Iran, Kanado, a kaj Venecuelo ne bodemo spominjali. Nešterni pripovedajo da ga na to punta žena Melanija jerbo bi ona štela biti prva dama celoga sveta, ali kuliko sam zavedil vu Deželi to ne drži vodo jerbo je Melanija z skromne familije. Najbrž je Tramp senjal tak veliko Ameriko i ve bi štel prejti z reči na djela. Da bi mi znali o čemo so se Tramp i Putin spominali na Aljaski i kaj so se dospomenuli unda bi nam se bilo jasno, a svedoki jivoga spominka (čitaj: pingvini) so stiha i ne govorijo nikaj.
Verjem da ste čuli kak je Tramp vudril carine sim onim zemljama štere so poslale vojsko na vojno vežbo na Grenlanda i to tak dugo, kak je rekel, dok se ne rešijo problemi Grenlanda, a to je nikomo ne jasno kaj je z tem štel reči jerbo Grenlanda, osim Amerike, nema nikše druge probleme. Mortik je Tramp dobil za novi mandat nove skije i novo skijaško opravo pak bi to štel sprobati na Grenlando, a kak mo skijanje nejde nejbole ne bi se štel sramoti v ljuckoj državi.
Tramp je obečuval kak bode zastavil se svecke rate, a nigdar se je na sveto ne vodilo tuliko, vekših ili pak menših, ratov nek je to denes. A Donald seposot ima svoje prste i sikam svojega nosa rivle. Židovi, Kinezi i Rusi so sam tiho, a Evropa si nebre pomoči!
Jožek Radnik