MOJA ZEMLJA
Kak je posebno živeti v ovoj maloj državi,
ali v državi velikoga srca?
To veliko srce na dar dovleju vsi posvećeni životi v ovi zemli,
a jihova krv fletno teče v žilaj ki rovlejo pod zemlom.
Črleno, živo srce zmed nama ljudima
zapisano je v naši zastavi!
Plavo morje, štero nas spaja zi sim drugim morjima
i sim drugim ljudima na svetu,
slano je kak žuhke suze štere tekle su za onima ki so pali.
Mir i dobrota bela so denes z nami.
I naj bo sam tak i dale za se one šteri so ostali,
čije srce kuca za one ki bodo dale z ponosom nesli
Hrvatsko na rokaj!
Karla Krznar
bivša učenica OŠ Gornji Mihaljevec
Mentorica: Lidija Novak Levatić
==============================
MOJ DOM
Međimurje moje moj si dom!
Ti kero si med dvemi vodami,
med Murom i Dravom…
z najlepšim bregima se dičiš,
šepčeš šumaj i dolaj
da tu je tre ostati.
Međerka na bregu
grozdeke slatke budi,
vetrek stalno popuhavle.
Zemle so rodne.
Žuli na rokaj svedoki so teškoga dela.
Negda teško se živelo, isto je i denes,
samo malo drugač.
Ti ostajaš i dale dom vnogih.
Ljudi se mejajo v krugu živleja.
Od malih nog do smrti živijo
dok med Murom i Dravom
za zodji pot ne zašumijo.
Tia Bogdan
bivša učenica OŠ Gornji Mihaljevec
Mentorica: Lidija Novak Levatić
===============================
DENES
Nad globokom vodom denes
galebi beli letijo,
srebrne luske ribic
na soncu stovlaju trag.
I zelena ravna pola dišijo,
dok žitom pozlačeno pole
poglede krode.
Međimurje i Zagorje skupa se dičijo.
Šume bogate jemlejo dah.
„O Mati sveta, kak je tu lepo!“,
čovek gledi.
Duša jegova odma je puna
dok kaj mu zvoni po domače.
Srčece zadršče i milina se razleje,
na licu smeh. Vedrina.
Dok pa sonce zajde za brege
tišina je i mir.
Tu srce je puno.
Fran Vurušić
bivši učenik OŠ Gornji Mihaljevec
Mentorica: Lidija Novak Levatić
=============================
KAJKAVSKI NAJLEPŠE ZVUČI
Kajkavski je jezik najlepši meni,
ali to ne znači ka je lepi i tebi.
Čim me je mama negda narodila,
mam me je jega govoriti nafčila.
Ovo leto išli smo na more,
gledali su me kak da sam ne z države ove!
Kaj ne znajo kaj se spominam tak?
Pak ne mora se spominati književni vsak!
Ak jednoga dneva didem v daleki svet,
govoril bum ga navek!
Nišči mi to nebre zeti,
more on i milijone meti!
Jo sem takši kakši sam je
i opče me to ne muči.
KAJKAVSKI MENI
v celi Hrvatski
NAJLEPŠE ZVUČI!
Leo Trupković, 8. r.
učenik OŠ Gornji Mihaljevec
mentor: Lidija Novak Levatić
=============================
OD DENES DO ZUTRA
Navek dok se z prijateli najdem,
stolno se po kajkavski spominamo.
Zakaj bi se itak spominali drugač?
Navek se najde nešči ki nas ne razme.
Misli si valjda da smo z Mađarske pobegli…
pa mu treba po književnim govoriti.
Kaj smo nori!
Od negda je bilo kaj se po kajkavski govorilo!
Naše prabake i pradedeki so tak govorili,
kajkavski nam stajli
kaj bumo mi svoje vnuke vučili!
Kristina Jaklin, 8. r.
učenica OŠ Gornji Mihaljevec
mentor: Lidija Novak Levatić
=================================
ZAKAJ JE KAJKAVSKI VAŽEN?
Kajkavski je na početko fest važen
kaj bi se kajkavski skup spominati znali.
Kak bi se drugač z bakaj i dedijaj spominali?
Što bi nas drugi pito: „Kak je v školi bilo?
Kaj ste delali?“.
Kak bi drugač bake šporgo, povetico,
perketa i štrukle složile?
Kak bi dediji na kupico zvali,
a posle nas z kosom delat tirali?
Kak bi temfaje i pretepeni grah fini bili
ak se po kajkavski naj za stolom spominali?
Kak bi količe nakoljati bilo treba
bez kajkavskoga?
Nikak. Se bi se drugač zvalo i delalo…
ali najvažniše od sega na kajkavskom je to
kaj se v toplomu domu
po kajkavski spominamo!
Saša Pilaj, 8. r.
učenik OŠ Gornji Mihaljevec
mentor: Lidija Novak Levatić
==============================
Zima je. Mrzlo je.
Zaledilo se jezero prek pota.
Šuma se beli, a sonce sramežlivo greje pola.
Ftice so ftihnule.
Zima se zavlekla v kosti.
Vlada mirnoča i prelepa bela tišina.
Snegovič se smeje od radosti.
Smejem se i ja.
Rada imam zimo i zima rada mene ima!
Vita Zadravec, 6.r.
učenica OŠ Gornji Mihaljevec
Mentorica: Lidija Novak Levatić
====================================
Iveku se bročaju leta
Beloga snega ima posvud,
spunil je pole i najmenši kut.
Vuni je mrzlo i fejst je zima,
do nas je dojšla sibirska klima.
Grane se terejo pod teškim tim snegom
Ivek se sonjče po najvekšem brego!
Dole se spušča z drvenaj sanjkaj
skup z sim svojaj prijatelaj.
Do pa protuletje jemput komaj več dojde,
zimskome dnevu fletno kraj dojde.
Voda v potoku furt teče cpod neba
kraj maloga grma ga fijolica gleda.
Z šume dohaja rom čuden zvuk,
mladoga hitroga jelena muk.
Do leta bu Ivek por pot v šumu več išel,
morti bu kakšnu puci si zišel.
Jemput bu i on japa štel biti,
za to mu treba pucu ženiti!
Na leto bu to stopram vse zišlo,
gostuvaje na jesen fčasi bu prišlo.
Do pa japa postane drugoga leta,
z pajdaši bu f krčmi zalejal deteta.
Kaj brže bu uzraslo to detece malo,
zimo, protuletje, leto, jesen bo obračalo.
Ivek bu stari jempota postal,
ali več nigdar ne bu rom čistam sam.
Se kaj je za života dobil i imal,
svojemu detetu z voljom bu dal.
Dišlo bo vreme, brnula se leta
Ivek bu morti dobil i zeta.
Znate ve dale, minul jen vek
Ivek se z vnukecom igra navek!
Matija Klemenčić, 8. r
učenik OŠ Gornji Mihaljevec
Mentorica: Lidija Novak Levatić
=====================================
Trubentica
Imam jedno svetlo pajdašico,
mojo lepo trubentico.
Saki den jo imam vu roki,
i mira mi davle dok sam na muki.
Čuda z njom po svetu hodim,
saki den se vučim, po cesti jo vodim.
Na svate idem, trubim na glas,
gostuvaje zbudim za of čas!
Moja pajdašica zna lepo igrati,
mladenki nigdar ne da zaspati.
Tancat zove vse svate naše,
peneze mečejo za trubentaše.
Jeden zmed njimi sam vam i jo
popevlem, tancam, igram trubentico!
Več sam vam rekel da pajdašico imam
zi semi pucami rad toga se štimam.
Leon Kuzma, 6. r.
učenik OŠ Gornji Mihaljevec
Mentorica: Lidija Novak Levatić
====================================
ŠIBA Z GREDENCA
Po poto do škole črez šumu prejti treba.
Čuje se ftica kak lepo popeva.
Pomalem se krečem, spazim maloga ježa,
ja v njega, a on v mene buli.
I jo kak jo, dale v šumo idem.
Pajdoše po poto zidem.
Najemput neje treba v školu iti,
rajši se po potoku nagajati i biti.
Ali glava moja oče me zbuditi:
Kaj će mi to? Još bum kesnila!
Još mi sam treba kaj mama bu me kaznila,
šibo zela z gredenca,
a do ve me tak lepo sam doli gledala.
Na kraju sam se pajdašaj skrila,
v školu sam malo zakesnila.
Šiba bo itak na gredencu morala biti,
mama se ne bu morala na mene srditi!
Dina Drakulić, 8.r.
učenica OŠ Gornji Mihaljevec
Mentorica: Lidija Novak Levatić
=====================================
VIKENDAŠI
„Dobro jutro, soseda! Kaj buš denes delala?
Si skuhala obeda i tikve skupa zmetala?“
Gledala me čudno, količa je zgrabila
i z korpicom po vrtu hodila.
Paradajza bi pobrola.
Sama nevola tam se zbrola.
Niti jednoga paradajza tam neje bilo!
Odjemput z živice mlodo šibo je ftrgnula…
Prema meni svojo hmojo obrnula glovo.
„Soseda droga, ne sem vam jo paradajza pobral.
Vikendaš je za vikend po vašem vrtu bral!“
„Kaj si povedal?
Ako je to istina, šiba bo z raja vun zišla!
Tebi bi isto tu i tam trelo porciju dati,
ne si vikendaše mogel stirati?“
Nikak joj ne sem dopovedati mogel
da na jenomu gruntu reda ne smem delati,
i da z šibaj pogotovo ne smeti decu biti.
Ve zabadaf je se!
Paradajza ga i tak več ne!
Nino Jularić, 8. r.
učenik OŠ Gornji Mihaljevec
Mentorica: Lidija Novak Levatić