Fletno so se Ameri zmislili
Dok smo mi Međimorci, posle dvajsti let, bili najbole žereči kaj se na se zadje, z kviskijom vu Ministarstvo prometa, ipak hapimo delati zaobilaznico Nedelišča i tak vugnemo se one aute i kamione šteri več na leta delajo stisko po vulicama Nedelišča unda so se javili Ameri i prek naše Vlade i precednika Plenkija fčehnoli so nam veto na to našo glavno zaobilaznico, na te naš posel k šteromo se ravnamo od negda, od „stoletja sedmog“. Najme kaj, nekomo se je v Ameriki, posle osemdeset let vužgala albanska svečica i donesel je na svetlo dneva „istino“ kak se je pred kraj Drugoga rata zrušil američki reoplan tu negdi okoli Puščin ili pak Gornjega Kuršanca i kaj je unda drugo preostalo našemo premijero nek je zabrenzal posle okoli zaobilaznice, očem reči, odgodoil je posle za jen cajt. I ne bodete veruvali došli so Ameri i rovali so po našoj međimorskoj zemli i iskali so kosti ili pak nekaj drugo kaj bi moglo biti ficlek ili pak reslin američkoga pilota ili pak reoplana. Kaj bodemo rekli, posle osemdeset let so Ameri zazvedili da jim jen ratni pilot fali? Prekopali so međimorsko zemljo sigdi de so jim aparati kazali kaj bi nutri moglo biti nekaj stranjskoga, očem reči, nekaj američkoga a kaj je pred osemdeset let pripadalo jivomo piloto. Posli so se oddelali, ali so Ameri nikaj ne našli sam so zamudili naše hicne težake šteri so čakali kaj mam čim bode hatar fraj zapičijo prve lopate i počnejo delati zaobilaznico. Što čaka tej se načaka, ali bormeš i dočaka, tak da nam ve sam ostaja kaj bodemo čakali dok bode zaobilaznica gotova, a unda pak bodemo išli na čakanje i čakali bodemo kaj se počne delati i novi most prek Drave tak kaj bode naša zaobilaznica završila vu Hrvaškoj kak je i v projektlino narisano!
Kaj pak so si Turčini zamislili…
Dok so Ameri počeli iskati jivoga pilota i resline reoplana unda mi je na pamet palo kak so Turčini pred deset let, dok se je obslužavala 450. letnica Sigecke bitke, došli v okolico Sigeta iskat droba Sulejmana Veličanstvenoga. Sima nam je poznato kak je turski sultan Sulejman Veličanstveni hmrl jeden ili dva dni predi nek so Turki pobedili Nikolo Šubiča Zrinskog i jegove junake, ali je vođa Turkov, Mehmed paša Sokolovič, to zatajil svojim ratnikima kaj nej ostali bez morala i volje za bitke ak bi zazvedili da jim je glavni vođa odišel k Alaho na račun.. I dok se je to pripetilo 1566. leta unda so Turki balzamerali telo Sulejmana, a droba so negdi zakopali čistam blizo šatorov turske vojske. Ve, 450 let posle je nekomo palo na pamet kak bi bilo jako dobro ak bi našli i Sulejmanova droba (čitaj: čreva) pak bi i to prebacili v Tursku kaj bi unda meli v mauzolejo sultana vu jenomo komado. Morete si, čistam lefko, pregruntati kak je to bil lefki posel iskati sultanova droba posle 450 let, a nišči je ne znal de bi točno tua droba mogla biti zakopana. Verjem da bi čuda predi našli iglo v plasto sena nek tua droba. Tak je i bilo, od toga posla je ne bil nikši hasen tak da ve još navek Sulejman Veličanstveni počivle vu svojeme mauzolejo, a droba so mo v Sigeto.
Ve pak smo brzčas mi na redo!
Brzčas je ve red došel i na nas v Lepoj našoj kaj prekopamo celoga hatara okoli Jasenovca i kaj najdemo sih sedemsto jezer Srbov, Romov i Židovov kuliko velijo Srbi da so ustaše (čitaj: Hrvati) sfondali vu Jasenovačkom logoro za vreme Drugoga rata. Ak morejo Ameri najti svojega pilota posle osemdeset i nekaj vejč let, ak morejo Turki najti droba Sulejmana Veličanstvenog posle 450 let unda moremo mi prekopati celoga hatara i vum zeti se kaj je v toj zemli okoli Jasenovca tak da unda bodemo mogli prebrojiti kuliko ga to grehov ustaša i kak so veliki. Ak mi nemamo mašinerijo, drone ili pak nekaj drugo, štera nam bode pokazala de moramo rovati v zemli i de je nekaj pod zemljom unda bodemo prosili Amere ili pak Turke nek nam oni posodijo svojo mašinerijo. Več je skradja vura kaj se to napravi kaj ne bodo si, a nejglasneši so Srbi i naši levičari, a posebno levičarke, furt z prstom kazali na nas Hrvate i furt nam pod nos ftekuvali naše ratne grehe z Jasenovca. No, to je ne se kaj sam vam štel reči jerbo kaj se Jasenovca i logorašov, štere so ustaše sfondale, dotikavle javili so se naši Hrvati z celoga sveta: Marko Franović z Australije (o jemo sam vam več pisal), Grgur Topalovič z Monte Carla i poznati poduzetnik z Lepe naše Branko Roglič šteri davlejo saki po milijon dolarov za početak kaj se počne iskapati jasenovečki hatar i kaj se posle osemdeset let neistina i laži zazvedi prava istina, kaj se zazvedi što je zakopani okoli Jasenovca i kuliko to mrtvih skrivle zemlja v negdašjemo logoro i hataro okoli. Penez ga bode dosti sam se treba hapiti kaj se posle osemdeset let zazvedi istina jerbo istina nema ceno.
Još nekaj, istina se je ne zazvedila i ne bode se tak dugo dok bodo z našom Javnom ustanovom z spomen područjem Jasenovac gospodarili Srbi jerbo je jim ne do istine nek očejo čim duže biti glavni. Preveč je cajte minulo, ali nigdar je ne kesno, ak morejo Ameri, ak morejo Turki unda moremo i mi. mi v Lepoj našoj. Moramo se naprajti kaj se zazvedi istina i kaj nam več ne bodo pod nos rivali Jasenovac i ustaše jerbo dok jiv nekaj pitamo za Domovinski rat Srbi se mam lovijo za Jasenovac, a tam se delajo kaj se nej zazvedilo što je tam nastradal za vreme Drugoga rata, kak i što je držal logora posle rata od 1945. do 1951. i koga so partizani (čitaj: komunisti) tam zapirali. I još nekaj, kuliko jiv je došlo nutri, a kuliko jiv je odišlo vum, a kuliko je bilo sfondano? Skradja je vura kaj istina dojde na svetlo dneva.
HDZ je kriv kaj bode smetje podražilo!
Zazvedili smo kak bode odvoz smetja štero prek sebe ima Čakom podražil i to ne malo nek cirka šezdeset procentov. Dugo se je o tomo šepetujilo, ali je na se zadje i to došlo vum jerbo građani šteri plačajo morajo znati kaj plačajo i kuliko. Neje lepo biti Čakovčanec kaj se Čakoma i smetja dotikavle jerbo smetje štere Čakom vozi je nejvredneše, očem reči, nejveč košta. A za to se je kriv HDZ-e. Prosim vas pak da ste čuli prinas v Čakovco ili pak v Međimorjo da je SDP-e nekaj kriv, makar bi tu mogel biti i nekaj kriv jerbo več tridesti let SDP-e hercuje v Čakomo. I dale ostajam na tomo da je HDZ-e kriv jerbo se je ne pobrigal kaj bi zel cugle vlasti vu Čakomo vu svoje roke i kaj bi direktorsko foteljo postavil svojega čoveka i se bi to drugač bilo. Ne sam drugač nek i faleše. Poglednite sam, prosim vas lepo, kak je to čuda faleše v Murskomo Središčo i vu Priloko. A si znuomo što tam drži vu svojimi rokami cugle vlasti?
Jožek Radnik