Koma je dešč presto iti, a po Vukanovco se pojavila nova kaštiga. Ste morti vidli ka se po Vukanovco z dolaskoma lepoga vremena, posebno od hiže broja 18 pa do 44 saki den se bor jempot prepelajo “sakupljoči storoga otpada”. Negda su kamijončekom 4 mrgana, a negda pa kobijem 2 mrgana.
Tu i tam si i razglasa vužgeko ka ih ljudi dale čujejo ili pa razglas ima drugo namero, da se bole vodi de ga ne doma nikoga ako nište je dojde glet što se to dere po cesti. Dok nekoga vidijo jen spitovle za storo železo i čim duže drži spominka, a drugi pa gledijo okoli ka bi vidi ima li čega zanimlivoga. Da jih je več, jen se spomona ostali pa lohnijo po dvorišču i okolici.
Takšni saklupljoči soroga otpada pa so loni našu sumešnanku štera dela vuni, fest rešili poljoprivrednoga alata i stojeva, a potli da ih je policija najšla su čak pretili ka bi onim škeri so rekli ka so jih vidli kak kvora delajo mogla i šatala goreti.
Dogi Vukanovčari, mi smo ne “hlebinci”, kome se splati z kamijonom ili kombijom dopelati vu Vukanovec ka bi od nekoga dobjo storoga šporhata? Več benzin košta, nego se more dobiti za storo železo.
Naravno ka ga je poštenih skupljočof storoga železa, ali oni imao otprt obrt, prijovleni so i pošteno delajo. Morete jih čuti prek radio postaja ili pa prečitati v novinama kak se reklamerajo. Oni se ne derejo prek razglasa po selima i ne uznemirovlejo ljude. Pa je razvidno ka je ova učestala, nepozvona, briga za stori otpad, štera je pokrenuto posle dežđa, zaprav organizerano izviđaje terena.
Zoto, ka danes zutra naj bilo “nesmo znali”, zapišite broj registracije “sakupljača storoga železa”, posebno da se pojovijo po vulicama črez štere se ne odvija redovni promet, bi rekli ka su to ceste k hižam. A je li pa je vreme to javiti policiji, precenite somi.
Vukanovčari pazimo jeni na druge !
Vukanovčar